Tæknifyrirtækið Vélfag á Akureyri undirritaði í dag samning um sölu á UNO fiskvinnsluvél til lettneska fyrirtækisins Atlas Premium Seafood á Seafood Expo sjávarútvegssýningunni í Barcelona rétt í þessu. Þetta er þriðja vélin þessarar gerðar sem Vélfag afhendir og sú fyrsta fyrir landvinnslu. Fyrri umfjöllun Fiskifrétta um þessa byltingarkenndu fiskvinnsluvél er finna hér einnig hér.
UNO er í raun fimm vélar í einni og var tækið frumsýnt á Sjávarútvegssýningunni í Laugardalshöll síðla sumars 2022. Tækið beinhreinsar fisk, hausar, roðflettir, flakar, sker í bita og er með innbyggt gæðaeftirlit. Áður hafði Bluewild útgerðin keypt tvö tæki þessarar gerðar í hinn byltingarkennda Ecofive togara sem er í smíðum. Atlas Premium Seafood er í eigu Sighvatar Bjarnasonar.
