Landssamband smábátaeigenda hefur tekið saman samanlagðan afla skipa í afla- og krókaaflamarki í þorski, ýsu og ufsa á fyrstu sjö mánuðum fiskveiðiársins. Tölurnar eru unnar af heimasíðu Fiskistofu. Í töflum sem LS hefur sett upp sést jafnframt nýting aflaheimilda og staða í lok hvers fiskveiðiárs.
Þorskur
Í lok mars var þorskafli kominn yfir 139 þúsund tonn sem jafngildir 69,5% af heimildum fiskveiðiársins. Óveidd eru rúm 61 þúsund tonn fyrir þá fimm mánuði sem eftir eru af árinu. Sambærilegar tölur fiskveiðiársins 2022/2023 voru 59 þús tonn og 70,5%. Hlutföllin nú eru nokkru hærri en þriggja fiskveiðiára þar á undan, tímabilið 2019-2021. Lægst var það 2019/2020 60,6% og þá voru óveidd um 106 þúsund tonn.
Samtala óveiddra heimilda síðustu fjögur fiskveiðiárin 2019-2022 voru 19 þúsund tonn.
![](http://vb.overcastcdn.com/images/133406.width-800.jpg)
Ýsa
Ýsuafli nálgast 50 þúsund tonnin. Það er meira á þessu sjö mánaða tímabili en á undanförnum árum. Aftur á móti er hlutfall sem veitt hefur verið það lægsta á tímabilinu frá fiskveiðiárinu sem hófst 1. september 2019, 64,2%. Það hefur verið í kringum 70% að undanskildu fiskveiðiárinu 2019/2020 en þá höfðu 86,5% aflaheimildar verið nýttar í lok mars.
Þegar árin voru gerð upp kom í ljós að samanlagður umframafli fjögurra fiskveiðiára nam 13 þúsund tonnum. Gera má ráð fyrir að sú tala jafnist nokkuð með yfirstandandi fiskveiðiári.
![](http://vb.overcastcdn.com/images/133407.width-800.jpg)
Ufsi
Eins og sjá má hefur ufsi ekki gefið sig til veiða í því magni sem útgefnar veiðiheimildir segja til um. Á fjórum árum hafa um 145 þúsund tonn ekki nýst sem afli. Miðað við meðalverð á fiskmörkuðum tímabilið 1. september 2019 til og með 31. ágúst 2023 er aflaverðmæti þessa magns hvorki meira né minna en 26 milljarðar. Á yfirstandandi fiskveiðiári bendir allt til þess að hlutfall ufsa sem ekki nýtist með veiðum verði það hæsta á því 5 ára tímabili sem hér er fjallað um.
![](http://vb.overcastcdn.com/images/133408.width-800.jpg)
„Með tilliti til þessara upplýsinga er óskiljanlegt að drög að frumvarpi til laga um sjávarútveg sem fv. matvælaráðherra lagði fram í Samráðsgátt skuli kveða á um að ufsi skuli að fullu teljast til „skammtsins“ við strandveiðar,“ segir í samantekt LS.
Landssamband smábátaeigenda hefur tekið saman samanlagðan afla skipa í afla- og krókaaflamarki í þorski, ýsu og ufsa á fyrstu sjö mánuðum fiskveiðiársins. Tölurnar eru unnar af heimasíðu Fiskistofu. Í töflum sem LS hefur sett upp sést jafnframt nýting aflaheimilda og staða í lok hvers fiskveiðiárs.
Þorskur
Í lok mars var þorskafli kominn yfir 139 þúsund tonn sem jafngildir 69,5% af heimildum fiskveiðiársins. Óveidd eru rúm 61 þúsund tonn fyrir þá fimm mánuði sem eftir eru af árinu. Sambærilegar tölur fiskveiðiársins 2022/2023 voru 59 þús tonn og 70,5%. Hlutföllin nú eru nokkru hærri en þriggja fiskveiðiára þar á undan, tímabilið 2019-2021. Lægst var það 2019/2020 60,6% og þá voru óveidd um 106 þúsund tonn.
Samtala óveiddra heimilda síðustu fjögur fiskveiðiárin 2019-2022 voru 19 þúsund tonn.
![](http://vb.overcastcdn.com/images/133406.width-800.jpg)
Ýsa
Ýsuafli nálgast 50 þúsund tonnin. Það er meira á þessu sjö mánaða tímabili en á undanförnum árum. Aftur á móti er hlutfall sem veitt hefur verið það lægsta á tímabilinu frá fiskveiðiárinu sem hófst 1. september 2019, 64,2%. Það hefur verið í kringum 70% að undanskildu fiskveiðiárinu 2019/2020 en þá höfðu 86,5% aflaheimildar verið nýttar í lok mars.
Þegar árin voru gerð upp kom í ljós að samanlagður umframafli fjögurra fiskveiðiára nam 13 þúsund tonnum. Gera má ráð fyrir að sú tala jafnist nokkuð með yfirstandandi fiskveiðiári.
![](http://vb.overcastcdn.com/images/133407.width-800.jpg)
Ufsi
Eins og sjá má hefur ufsi ekki gefið sig til veiða í því magni sem útgefnar veiðiheimildir segja til um. Á fjórum árum hafa um 145 þúsund tonn ekki nýst sem afli. Miðað við meðalverð á fiskmörkuðum tímabilið 1. september 2019 til og með 31. ágúst 2023 er aflaverðmæti þessa magns hvorki meira né minna en 26 milljarðar. Á yfirstandandi fiskveiðiári bendir allt til þess að hlutfall ufsa sem ekki nýtist með veiðum verði það hæsta á því 5 ára tímabili sem hér er fjallað um.
![](http://vb.overcastcdn.com/images/133408.width-800.jpg)
„Með tilliti til þessara upplýsinga er óskiljanlegt að drög að frumvarpi til laga um sjávarútveg sem fv. matvælaráðherra lagði fram í Samráðsgátt skuli kveða á um að ufsi skuli að fullu teljast til „skammtsins“ við strandveiðar,“ segir í samantekt LS.