Afli í apríl 2023 var rúm 126 þúsund tonn sem er 11% meiri afli en í apríl 2022. Hagstofan tók saman.
Botnfiskafli var tæplega 35 þúsund tonn og dróst saman um 24%. Af botnfisktegundum var þorskaflinn tæp 18 þúsund tonn.
Uppsjávarafli sem var nær eingöngu kolmunni nam ríflega 88 þúsund tonnum í apríl sem er 36% meiri afli en í apríl 2022.
Afli á 12 mánaða tímabilinu maí 2022 til apríl 2023 var 1.382 þúsund tonn sem er 7% minna en landaður afli á fyrra 12 mánaða tímabili.
