Héðinn og Íslenski Sjávarklasinn hafa undirritað samstarfssamning um stuðning við nýsköpun í bláa hagkerfinu.
Þetta kemur fram í tilkynningu þar sem segir að samstarfið miði að því að styðja við aukna verðmætasköpun í bláa hagkerfinu. Stefnt sé að því að styðja við frumkvöðla sem vinna verðmæti úr því sem áður var hent, eða leita lausna á áskorunum sem greinin stendur frammi fyrir í gegnum nýtt verkefni sem Sjávarklasinn leiði og nefnist Verbúðin.
Stuðla að lausnum sem þjóni atvinnulífinu
© Eyþór Árnason (Eyþór Árnason)
„Því er ætlað að efla tengsl og samvinnu rótgróinna fyrirtækja í bláa hagkerfinu við frumkvöðlafyrirtæki og rannsóknar- og þróunarteymi úr háskólasamfélaginu. Verkefnið er hugsað sem langtíma stuðningur við öfluga frumkvöðla sem eru að vinna að lausnum á áskoranir sem við stöndum frammi fyrir og auka nýtingu. Með þessu viljum við búa til vettvang þar sem unnið er með markvissum hætti að því að sannreyna og prófa lausnir frumkvöðla í raunheimum og stuðla að því að lausnir sem verið er að þróa í nýsköpunarumhverfinu þjóni atvinnulífinu. Að auki verða til mikilvægar tengingar og samtöl sem ætlað er að ýta undir aukna verðmætasköpun í víðum skilningi,“ segir í tilkynningunni.
Leiðandi í þróun nýrrar nálgunar
Um Héðinn segir að það sé leiðandi fyrirtæki í málmiðnaði og véltækni með yfir 100 ára reynslu af þjónustu við sjávarútveg, stóriðju og orkuiðnað, bæði hérlendis og erlendis. Hjá fyrirtækinu starfi yfir 130 manns við fjölbreytt störf, allt frá hönnun að fullbúnum vörum ásamt viðhalds- og þjónustuverkefnum um allan heim.
„Þar að auki hefur Héðinn átt ríkan þátt í þróun og uppbyggingu þeirra tíu fiskmjölsverksmiðja sem starfa hér á landi. Framþróun í nýtingu á fiskimjöli er einmitt gott dæmi um hvernig megi búa til aukin verðmæti úr veiddum afla og hefur Héðinn verið leiðandi í þróun nýrrar nálgunar við framleiðslu á mjöli og lýsi með áherslu á að minnka orkunotkun og umfang starfseminnar og skila verðmætari afurðum,“ segir í tilkynningunni.
Samfélag yfir sjötíu fyrirtækja
Íslenski sjávarklasinn hefur verið starfræktur frá árinu 2011 og kemur fram í tilkynningunni hann eigi víðtækt samstarf við fjölda nýsköpunarfyrirtækja í bláa hagkerfinu; útvegi þeim aðstöðu, styrki tengslanet þeirra og fjárfesti í sprotunum.
„Hús sjávarklasans er samfélag yfir 70 fyrirtækja og frumkvöðla í hafsækinni starfsemi - fyrirtæki í fiskeldi, fisksölu, sjávarútvegstækni, hugbúnaði, hönnun, líftækni, snyrtivörum og ýmsu öðru. Markmið Sjávarklasans er að efla alla starfsemi tengda haf- og vatnasviði landsins og nýta innlenda tækniþekkingu til að efla verðmætasköpun og styrkja samkeppnishæfni okkar,“ segir í tilkynningu um samstarfið.
Héðinn og Íslenski Sjávarklasinn hafa undirritað samstarfssamning um stuðning við nýsköpun í bláa hagkerfinu.
Þetta kemur fram í tilkynningu þar sem segir að samstarfið miði að því að styðja við aukna verðmætasköpun í bláa hagkerfinu. Stefnt sé að því að styðja við frumkvöðla sem vinna verðmæti úr því sem áður var hent, eða leita lausna á áskorunum sem greinin stendur frammi fyrir í gegnum nýtt verkefni sem Sjávarklasinn leiði og nefnist Verbúðin.
Stuðla að lausnum sem þjóni atvinnulífinu
© Eyþór Árnason (Eyþór Árnason)
„Því er ætlað að efla tengsl og samvinnu rótgróinna fyrirtækja í bláa hagkerfinu við frumkvöðlafyrirtæki og rannsóknar- og þróunarteymi úr háskólasamfélaginu. Verkefnið er hugsað sem langtíma stuðningur við öfluga frumkvöðla sem eru að vinna að lausnum á áskoranir sem við stöndum frammi fyrir og auka nýtingu. Með þessu viljum við búa til vettvang þar sem unnið er með markvissum hætti að því að sannreyna og prófa lausnir frumkvöðla í raunheimum og stuðla að því að lausnir sem verið er að þróa í nýsköpunarumhverfinu þjóni atvinnulífinu. Að auki verða til mikilvægar tengingar og samtöl sem ætlað er að ýta undir aukna verðmætasköpun í víðum skilningi,“ segir í tilkynningunni.
Leiðandi í þróun nýrrar nálgunar
Um Héðinn segir að það sé leiðandi fyrirtæki í málmiðnaði og véltækni með yfir 100 ára reynslu af þjónustu við sjávarútveg, stóriðju og orkuiðnað, bæði hérlendis og erlendis. Hjá fyrirtækinu starfi yfir 130 manns við fjölbreytt störf, allt frá hönnun að fullbúnum vörum ásamt viðhalds- og þjónustuverkefnum um allan heim.
„Þar að auki hefur Héðinn átt ríkan þátt í þróun og uppbyggingu þeirra tíu fiskmjölsverksmiðja sem starfa hér á landi. Framþróun í nýtingu á fiskimjöli er einmitt gott dæmi um hvernig megi búa til aukin verðmæti úr veiddum afla og hefur Héðinn verið leiðandi í þróun nýrrar nálgunar við framleiðslu á mjöli og lýsi með áherslu á að minnka orkunotkun og umfang starfseminnar og skila verðmætari afurðum,“ segir í tilkynningunni.
Samfélag yfir sjötíu fyrirtækja
Íslenski sjávarklasinn hefur verið starfræktur frá árinu 2011 og kemur fram í tilkynningunni hann eigi víðtækt samstarf við fjölda nýsköpunarfyrirtækja í bláa hagkerfinu; útvegi þeim aðstöðu, styrki tengslanet þeirra og fjárfesti í sprotunum.
„Hús sjávarklasans er samfélag yfir 70 fyrirtækja og frumkvöðla í hafsækinni starfsemi - fyrirtæki í fiskeldi, fisksölu, sjávarútvegstækni, hugbúnaði, hönnun, líftækni, snyrtivörum og ýmsu öðru. Markmið Sjávarklasans er að efla alla starfsemi tengda haf- og vatnasviði landsins og nýta innlenda tækniþekkingu til að efla verðmætasköpun og styrkja samkeppnishæfni okkar,“ segir í tilkynningu um samstarfið.
