Strandveiðibáturinn sem sökk undan Garðaskaga í nótt lenti samkvæmt áreiðanlegum heimildum Fiskifrétta í árekstri við óþekktan hlut.
Eins og fram hefur komið varð mannbjörg er strandveiðbátur sökk um sex sjómílur norðvestur af Garðskagavita á þriðja tímanum í nótt. Bjargaði sá sem tilkynnti um óhappið bátsverjanum sem var kominn í björgunargalla áður en bátur hans sökk.
„Þegar Landhelgisgæslan fór að skoða feril skipanna í nótt kom í ljós að flutningaskip og þessi strandveiðibátur voru á sömu slóðum á sama tíma. Vegna þess ákvað Landhelgisgæslan að beina þessu skipi til hafnar í Vestmannaeyjum til skýrslutöku,“ segir Ásgeir Erlendsson, upplýsingafulltrúi Landhelgisgæslunnar.
Segir Ásgeir að lögreglan í Eyjum muni taka skýrslu af skipstjóra flutningaskipsins.
„Fulltrúar Samgöngustofu, Gæslunnar og rannsóknarnefndar samgönguslysa munu sömuleiðis fara til Eyja,“ segir Ásgeir.
Lögreglan á Suðurnesjum muni síðan fara með rannsókn málsins. Þetta sé eitt af því sem sé til skoðunar.
Báturinn sem maraði í hálfu kafi eftir að hafa lent í árekstri var síðan dreginn til Sandgerðishafnar í morgun.
Báturinn sem um ræðir er Sómabátur sem afhentur var í fyrra og var eigandinn að hefja sitt annað strandveiðitímabil nú í maí.
Strandveiðibáturinn sem sökk undan Garðaskaga í nótt lenti samkvæmt áreiðanlegum heimildum Fiskifrétta í árekstri við óþekktan hlut.
Eins og fram hefur komið varð mannbjörg er strandveiðbátur sökk um sex sjómílur norðvestur af Garðskagavita á þriðja tímanum í nótt. Bjargaði sá sem tilkynnti um óhappið bátsverjanum sem var kominn í björgunargalla áður en bátur hans sökk.
„Þegar Landhelgisgæslan fór að skoða feril skipanna í nótt kom í ljós að flutningaskip og þessi strandveiðibátur voru á sömu slóðum á sama tíma. Vegna þess ákvað Landhelgisgæslan að beina þessu skipi til hafnar í Vestmannaeyjum til skýrslutöku,“ segir Ásgeir Erlendsson, upplýsingafulltrúi Landhelgisgæslunnar.
Segir Ásgeir að lögreglan í Eyjum muni taka skýrslu af skipstjóra flutningaskipsins.
„Fulltrúar Samgöngustofu, Gæslunnar og rannsóknarnefndar samgönguslysa munu sömuleiðis fara til Eyja,“ segir Ásgeir.
Lögreglan á Suðurnesjum muni síðan fara með rannsókn málsins. Þetta sé eitt af því sem sé til skoðunar.
Báturinn sem maraði í hálfu kafi eftir að hafa lent í árekstri var síðan dreginn til Sandgerðishafnar í morgun.
Báturinn sem um ræðir er Sómabátur sem afhentur var í fyrra og var eigandinn að hefja sitt annað strandveiðitímabil nú í maí.
