Þótt komunnavertíð hafi því sem næst verið blásið af að þessu sinni er grænlenska uppsjávarskipið Polar Ammassak á leið til Neskaupstaðar með fullfermi eða 1.800 tonn.
Skipið kemur til hafnar á nótt og verður væntanlega landað úr því á morgun. Hér er um að ræða síðasta kolmunnafarminn sem berst til Síldarvinnslunnar í þessari veiðilotu, að því er fram kemur á heimasíðu Síldarvinnslunnar.
Þar er rætt við Guðmund Hallsson skipstjóra og hann spurður hvernig veiðin hefði gengið.
„Við vorum að veiðum austan við Færeyjar og fengum aflann í fimm holum. Það fengust á bilinu 250-400 tonn í holi. Veiðin hefur minnkað verulega að undanförnu og það var lengi dregið eða allt upp í átján tíma. Þróunin var í reynd sú í túrnum að holin lengdust og aflinn minnkaði. Þetta er síðasti túr hjá okkur í bili en það á að geyma einhvern kvóta fram á haustið. Kolmunnaveiðin að undanförnu hefur gengið afar vel. Við höfum að mestu landað aflanum í Færeyjum og í Skagen í Danmörku. Það tók langan tíma að fara til Skagen auk þess sem þar var löndunarbið. Næst á dagskrá hjá okkur er makrílvertíðin og nú verður skipið undirbúið fyrir hana,“ segir Guðmundur.
Þótt komunnavertíð hafi því sem næst verið blásið af að þessu sinni er grænlenska uppsjávarskipið Polar Ammassak á leið til Neskaupstaðar með fullfermi eða 1.800 tonn.
Skipið kemur til hafnar á nótt og verður væntanlega landað úr því á morgun. Hér er um að ræða síðasta kolmunnafarminn sem berst til Síldarvinnslunnar í þessari veiðilotu, að því er fram kemur á heimasíðu Síldarvinnslunnar.
Þar er rætt við Guðmund Hallsson skipstjóra og hann spurður hvernig veiðin hefði gengið.
„Við vorum að veiðum austan við Færeyjar og fengum aflann í fimm holum. Það fengust á bilinu 250-400 tonn í holi. Veiðin hefur minnkað verulega að undanförnu og það var lengi dregið eða allt upp í átján tíma. Þróunin var í reynd sú í túrnum að holin lengdust og aflinn minnkaði. Þetta er síðasti túr hjá okkur í bili en það á að geyma einhvern kvóta fram á haustið. Kolmunnaveiðin að undanförnu hefur gengið afar vel. Við höfum að mestu landað aflanum í Færeyjum og í Skagen í Danmörku. Það tók langan tíma að fara til Skagen auk þess sem þar var löndunarbið. Næst á dagskrá hjá okkur er makrílvertíðin og nú verður skipið undirbúið fyrir hana,“ segir Guðmundur.
