Fiskistofa hefur nú opnað fyrir umsóknir um leyfi til selveiða til eigin nytja á árinu 2024.
Selveiðar eru óheimilar á íslensku forráðasvæði (í sjó, ám og vötnum) nema að fengnu sérstöku leyfi frá Fiskistofu að .því er bent er á í tilkynningu á vef Fiskistofu.
„Fiskistofa getur veitt leyfi til takmarkaðra veiða á sel til eigin nytja innan netlaga þar sem veiðar hafa verið eða verða stundaðar sem búsílag,“ segir í tilkynningunni.
Í umsókn þarf eftirfarandi að koma fram:
Við hvaða land áformað er að veiða.
Hvaða veiðiaðferð verður notuð.
Fjöldi sela sem sótt er um til að veiða.
Upplýsingar um veiði umsækjanda síðustu 5 ár.
Eignarheimild eða samningur við eiganda viðkomandi lands.
