Ísfisktogarinn Gullver NS kom til heimahafnar á Seyðisfirði í gær og landaði þar 80 tonnum, mest karfa og ýsu.
Þetta kemur fram á vefsíðu Síldarvinnslunnar þar sem rætt er við Hjálmar Ólaf Bjarnason skipstjóra sem kveður túrinn hafa tekið fimm daga þótt aðeins hafi verið veitt í þrjá daga.
Lygilega gott veður
„Við byrjuðum á tólf tíma siglingu á Melsekk þar sem reynt var við karfa. Aflinn var ekki nægilega mikill þannig að við færðum okkur á bleiðu sem ber nafnið Urð og grjót. Þaðan var síðan haldið á Litla banka og loks á Pínulitla banka þar sem karfaveiðin gekk mun betur. Þegar karfaskammtinum var náð var siglt í sólarhring. Prufað var á Mýragrunni en síðan haldið á Papagrunn þar sem fékkst ýsa, dálítið þorskblönduð. Segja má að veðrið í túrnum hafi verið hið þokkalegasta og í lokin var það alveg lygilega gott. Nú er helgarfrí fram undan hjá áhöfninni og það verður ekki haldið til veiða á ný fyrr en á mánudag,” lýsir Hjálmar túr Gullvers á svn.is.
Ísfisktogarinn Gullver NS kom til heimahafnar á Seyðisfirði í gær og landaði þar 80 tonnum, mest karfa og ýsu.
Þetta kemur fram á vefsíðu Síldarvinnslunnar þar sem rætt er við Hjálmar Ólaf Bjarnason skipstjóra sem kveður túrinn hafa tekið fimm daga þótt aðeins hafi verið veitt í þrjá daga.
Lygilega gott veður
„Við byrjuðum á tólf tíma siglingu á Melsekk þar sem reynt var við karfa. Aflinn var ekki nægilega mikill þannig að við færðum okkur á bleiðu sem ber nafnið Urð og grjót. Þaðan var síðan haldið á Litla banka og loks á Pínulitla banka þar sem karfaveiðin gekk mun betur. Þegar karfaskammtinum var náð var siglt í sólarhring. Prufað var á Mýragrunni en síðan haldið á Papagrunn þar sem fékkst ýsa, dálítið þorskblönduð. Segja má að veðrið í túrnum hafi verið hið þokkalegasta og í lokin var það alveg lygilega gott. Nú er helgarfrí fram undan hjá áhöfninni og það verður ekki haldið til veiða á ný fyrr en á mánudag,” lýsir Hjálmar túr Gullvers á svn.is.
