Bjarkey Olsen Gunnarsdóttir matvælaráðherra kynnir ríkisstjórninni á fundi í Skuggasundi í fyrramálið ákvörðum um það hvort hvalveiðar verði heimilaðar.
Eins og fram hefur komið í Fiskifréttum liggja fyrir tvær umsóknir um leyfi til hvalveiða. Er það annars vegar umsókn frá Hvali hf. um leyfi til veiða á langreyði og hins vegar ein umsókn um heimild til hrefnuveiða. Mun þar vera um að ræða Þórð Steinar Lárusson á skipinu Deili GK að því er fram kom á visir.is fyrir fimm dögum. Þar sagði að Þórður hefði stundað veiðar á hrefnu á árunum 2009 til 2014.
Samkvæmt upplýsingum frá matvælaráðuneytinu mun matvælaráðherra fyrst kynna ákvörðun sína fyrir samráðherrum sínum og að ríkisstjórnarfundi loknum verður sú niðurstaða opinberuð með fréttatilkynningu frá ráðuneytinu.
Bjarkey Olsen Gunnarsdóttir matvælaráðherra kynnir ríkisstjórninni á fundi í Skuggasundi í fyrramálið ákvörðum um það hvort hvalveiðar verði heimilaðar.
Eins og fram hefur komið í Fiskifréttum liggja fyrir tvær umsóknir um leyfi til hvalveiða. Er það annars vegar umsókn frá Hvali hf. um leyfi til veiða á langreyði og hins vegar ein umsókn um heimild til hrefnuveiða. Mun þar vera um að ræða Þórð Steinar Lárusson á skipinu Deili GK að því er fram kom á visir.is fyrir fimm dögum. Þar sagði að Þórður hefði stundað veiðar á hrefnu á árunum 2009 til 2014.
Samkvæmt upplýsingum frá matvælaráðuneytinu mun matvælaráðherra fyrst kynna ákvörðun sína fyrir samráðherrum sínum og að ríkisstjórnarfundi loknum verður sú niðurstaða opinberuð með fréttatilkynningu frá ráðuneytinu.
