Marsrall Hafrannsóknastofnunar, árleg stofnmæling botnsfiska, stendur yfir þessa dagana og meðal þess sem er kannað er staða hlýrastofnsins. Um borð í rannsóknaskipinu Árna Friðrikssonar er meðal annarra Ásgeir Gunnarsson, sérfræðingur hjá Hafrannsóknastofnun.
Staða hlýrastofnsins hefur verið bágborin undanfarin ár sem leiddi til þess að Hafrannsóknastofnun hvatti sjómenn til að sleppa veiddum hlýra umfram kvóta. Rannsóknir sýna að lífslíkur veidds hlýra sem er sleppt eru talsverðar. Að sjálfsögðu er öllum hlýra sleppt í stofnmælingasjóferðinni að undanskildum þeim fáu sem hljóta þau örlög að verða kvarnaðir í þágu rannsókna og vísinda.
Á myndunum má sjá Sigurlínu Gunnarsdóttur, Silje Elisabeth Seim og Ásgeir Gunnarsson sleppa hlýra eftir að hann hefur verið lengdarmældur. Einnig hafa verið gerðar lifunartilraunir á hlýra í rallinu og sömuleiðis er reynt að safna hlýra fyrir aðila sem eru að byrja eldi á hlýra.
