Makrílveiði hefur verið dræm síðustu daga í Síldarsmugunni norðaustur af landinu. Einnig er farið að saxast á heimildir sumra útgerða. Skip Síldarvinnslunnar eru að hætta makrílveiðum að sinni og margir eru farnir að huga að veiðum á norsk-íslenskri síld sem er næst á þéttriðinni dagskrá uppsjávarveiða.
Uppsjávarskipin voru reyndar að gera það mjög gott í Smugunni í síðustu viku. Þannig lönduðu skip frá Síldarvinnslunni tæpum 4.500 tonnum af stórum og átulitlum makríl sem var síðan heilfrystur. Heildaraflamark á árinu eru 144.000 tonn og á miðvikudag stóðu tæp 30.000 tonn eftir óveidd.
Meðal skipa í Smugunni núna eru uppsjávarskip Brims sem eiga hvað stystu leið á veiðisvæðið frá Vopnafirði. Svanur RE, Venus NK og Víkingur AK eru í veiðisamstarfi og er verið að reyna að fylla Venus og senda hann heim til löndunar. Samtals hafa þessi þrjú skip veitt um 27.000 tonn af makríl á árinu.
Lengi togað og afli dræmur
Veðrið var með ágætum á þessum slóðum þegar rætt var við Róbert Hafliðason, skipstjóra á Víkingi AK, en veiðin treg.
„Það hefur verið afskaplega rólegt yfir þessu síðustu dagana. Það er lengi togað og aflinn dræmur heilt yfir. Þegar við fórum í land eftir síðasta túr var að klárast eitthvað skot en síðan þá hefur verið rólegt yfir þessu. Menn eru að bíða eftir nýju skoti,“ segir Róbert.
Makrílveiðin þetta er árið er óvenjuleg að því leyti að töluverður afli fékkst innan íslensku lögsögunnar sem gerist ekki á hverju ári. Þetta var líka stór og fallegur fiskur sem fékkst þar, allt að 500-600 grömm að þyngd, en svo datt veiðin niður og skipin héldu í Smuguna.
„Það er eins og það sé eitthvað minna af makríl í ár en svo getur það líka verið að hann haldi sig austar. Nú eru Norðmennirnir farnir að tínast út en það hefur ekki verið neitt sérstakt fjör hjá þeim í þessum veiðum. Makríll fer bara sínar eigin leiðir og er ekki fastur í einhverju tilteknu göngumynstri virðist vera. Fyrir um það bil viku fórum við óvenjulega norðarlega á eftir makríl, eða 73. gráðu 15 og ég minnist þess ekki áður að hafa veitt makríl svo norðarlega og þetta var stór fiskur.“
Farið er að síga vel á seinni hluta vertíðarinnar og skipin að klára sína kvóta. Við taka veiðar á norsk-íslenskri síld en á þessu almanaksári mega íslensk skip veiða um 90 þúsund tonn. Hefur vinnsla á norsk-íslenskri síld reyndar þegar hafist í fiskiðjuveri Síldarvinnslunnar í Neskaupstað á 560 tonn afla sem Barði NK fékk í Bakkaflóadjúpi um síðustu helgi.
Víkingur AK. Mynd/Guðmundur St. Valdimarsson.
Róbert Hafliðason, skipstjóri á Víkingi AK.
Makrílveiði hefur verið dræm síðustu daga í Síldarsmugunni norðaustur af landinu. Einnig er farið að saxast á heimildir sumra útgerða. Skip Síldarvinnslunnar eru að hætta makrílveiðum að sinni og margir eru farnir að huga að veiðum á norsk-íslenskri síld sem er næst á þéttriðinni dagskrá uppsjávarveiða.
Uppsjávarskipin voru reyndar að gera það mjög gott í Smugunni í síðustu viku. Þannig lönduðu skip frá Síldarvinnslunni tæpum 4.500 tonnum af stórum og átulitlum makríl sem var síðan heilfrystur. Heildaraflamark á árinu eru 144.000 tonn og á miðvikudag stóðu tæp 30.000 tonn eftir óveidd.
Meðal skipa í Smugunni núna eru uppsjávarskip Brims sem eiga hvað stystu leið á veiðisvæðið frá Vopnafirði. Svanur RE, Venus NK og Víkingur AK eru í veiðisamstarfi og er verið að reyna að fylla Venus og senda hann heim til löndunar. Samtals hafa þessi þrjú skip veitt um 27.000 tonn af makríl á árinu.
Lengi togað og afli dræmur
Veðrið var með ágætum á þessum slóðum þegar rætt var við Róbert Hafliðason, skipstjóra á Víkingi AK, en veiðin treg.
„Það hefur verið afskaplega rólegt yfir þessu síðustu dagana. Það er lengi togað og aflinn dræmur heilt yfir. Þegar við fórum í land eftir síðasta túr var að klárast eitthvað skot en síðan þá hefur verið rólegt yfir þessu. Menn eru að bíða eftir nýju skoti,“ segir Róbert.
Makrílveiðin þetta er árið er óvenjuleg að því leyti að töluverður afli fékkst innan íslensku lögsögunnar sem gerist ekki á hverju ári. Þetta var líka stór og fallegur fiskur sem fékkst þar, allt að 500-600 grömm að þyngd, en svo datt veiðin niður og skipin héldu í Smuguna.
„Það er eins og það sé eitthvað minna af makríl í ár en svo getur það líka verið að hann haldi sig austar. Nú eru Norðmennirnir farnir að tínast út en það hefur ekki verið neitt sérstakt fjör hjá þeim í þessum veiðum. Makríll fer bara sínar eigin leiðir og er ekki fastur í einhverju tilteknu göngumynstri virðist vera. Fyrir um það bil viku fórum við óvenjulega norðarlega á eftir makríl, eða 73. gráðu 15 og ég minnist þess ekki áður að hafa veitt makríl svo norðarlega og þetta var stór fiskur.“
Farið er að síga vel á seinni hluta vertíðarinnar og skipin að klára sína kvóta. Við taka veiðar á norsk-íslenskri síld en á þessu almanaksári mega íslensk skip veiða um 90 þúsund tonn. Hefur vinnsla á norsk-íslenskri síld reyndar þegar hafist í fiskiðjuveri Síldarvinnslunnar í Neskaupstað á 560 tonn afla sem Barði NK fékk í Bakkaflóadjúpi um síðustu helgi.
Víkingur AK. Mynd/Guðmundur St. Valdimarsson.
Róbert Hafliðason, skipstjóri á Víkingi AK.
