Fulltrúi minnihlutans í skipulags- og umhverfisnefnd Langanesbyggðar gagnrýnir vinnubrögð meirihlutans er kemur að skipulagsmálum í kring um aukin umsvif Ísfélagsins við höfnina í Þórshöfn.
Sagt var frá áformum Ísfélagins í Fiskifréttum í febrúar. „Við erum að fara að byggja frystigeymslu sem mun auðvitað hafa jákvæð áhrif á umsvifin. Það má búast við að það verði meira flutt út með gámum, beint til kaupenda. Síðan er náttúrlega stefnt á afkastaaukningu í uppsjávarvinnslunni sem mun þýða meiri umsvif,“ sagði Stefán Friðriksson, forstjóri Ísfélagsins, meðal annars. Kvað hann málaleitan fyrirtækisins hafa verið vel tekið í Langanesbyggð.
Ekið að höfninni í gegn um hús Björgunarsveitarinnar Hafliða
Í bókun Þorsteins Ægis Egilssonar á fundi skipulags- og umhverfisnefndar segir að fulltrúar L-lista hafi setið hjá við afgreiðslu málsins á fundi sveitarstjórnar þann 17. apríl vegna þess að í gögnum fundarins hafi ekki fylgt uppfærður deiliskipulagsuppdráttur vegna byggingarreits Ísfélagsins sem ætti að vera tæpir 22 þúsund fermetrar - sem þeim þætti afar vel í lagt. Það hafi líka verið vegna þess að ekkert hafi verið rætt við Björgunarsveitina Hafliða um að ný aðkoma fyrir höfnina færi í gegnum lóðina þar sem húsnæði björgunarsveitarinnar standi.
„Á sama fundi sveitarstjórnar samþykkti meirihluti sveitarstjórnar framkvæmdaleyfi Ísfélagsins aðeins örfáum mínútum eftir að meirihluti ákvað að setja í auglýsingaferli nýtt deiliskipulag fyrir höfnina. Í dag 14. maí er ekki enn búið að auglýsa deiliskipulagið,“ segir í bókun Þorsteins.
Erfitt að vinda ofan af þegar gerðum hlutum
Að því er Þorsteinn segir er það mat hans eftir samtal við skipulagsráðgjafa sveitarfélagsins að auglýsingarferli á nýju samþykktu deiliskipulagi þurfi að klárast áður en framkvæmdar- og eða byggingarleyfi séu gefin út.
„Í auglýsingarferli geta komið fram athugasemdir sem erfitt getur verið að leysa ef framkvæmdir eru hafnar á svæðinu. Að þessum sökum hafna ég tillögunni og geri alvarlegar athugasemdir við vinnubrögð stjórnenda sveitarfélagsins í málinu,“ segir Þorsteinn að lokum í bókun sinni.
Fulltrúi minnihlutans í skipulags- og umhverfisnefnd Langanesbyggðar gagnrýnir vinnubrögð meirihlutans er kemur að skipulagsmálum í kring um aukin umsvif Ísfélagsins við höfnina í Þórshöfn.
Sagt var frá áformum Ísfélagins í Fiskifréttum í febrúar. „Við erum að fara að byggja frystigeymslu sem mun auðvitað hafa jákvæð áhrif á umsvifin. Það má búast við að það verði meira flutt út með gámum, beint til kaupenda. Síðan er náttúrlega stefnt á afkastaaukningu í uppsjávarvinnslunni sem mun þýða meiri umsvif,“ sagði Stefán Friðriksson, forstjóri Ísfélagsins, meðal annars. Kvað hann málaleitan fyrirtækisins hafa verið vel tekið í Langanesbyggð.
Ekið að höfninni í gegn um hús Björgunarsveitarinnar Hafliða
Í bókun Þorsteins Ægis Egilssonar á fundi skipulags- og umhverfisnefndar segir að fulltrúar L-lista hafi setið hjá við afgreiðslu málsins á fundi sveitarstjórnar þann 17. apríl vegna þess að í gögnum fundarins hafi ekki fylgt uppfærður deiliskipulagsuppdráttur vegna byggingarreits Ísfélagsins sem ætti að vera tæpir 22 þúsund fermetrar - sem þeim þætti afar vel í lagt. Það hafi líka verið vegna þess að ekkert hafi verið rætt við Björgunarsveitina Hafliða um að ný aðkoma fyrir höfnina færi í gegnum lóðina þar sem húsnæði björgunarsveitarinnar standi.
„Á sama fundi sveitarstjórnar samþykkti meirihluti sveitarstjórnar framkvæmdaleyfi Ísfélagsins aðeins örfáum mínútum eftir að meirihluti ákvað að setja í auglýsingaferli nýtt deiliskipulag fyrir höfnina. Í dag 14. maí er ekki enn búið að auglýsa deiliskipulagið,“ segir í bókun Þorsteins.
Erfitt að vinda ofan af þegar gerðum hlutum
Að því er Þorsteinn segir er það mat hans eftir samtal við skipulagsráðgjafa sveitarfélagsins að auglýsingarferli á nýju samþykktu deiliskipulagi þurfi að klárast áður en framkvæmdar- og eða byggingarleyfi séu gefin út.
„Í auglýsingarferli geta komið fram athugasemdir sem erfitt getur verið að leysa ef framkvæmdir eru hafnar á svæðinu. Að þessum sökum hafna ég tillögunni og geri alvarlegar athugasemdir við vinnubrögð stjórnenda sveitarfélagsins í málinu,“ segir Þorsteinn að lokum í bókun sinni.
