Beitir NK 123 var á leið til Neskaupstaðar til löndunar á um 500 tonnum af vænum makríl sem fékkst um 50 sjómílum austan Rauða torgsins og stefnt var að halda beint á miðin aftur að löndun lokinni. Þá höfðu Jóna Edvalds SF 200 og Ásgrímur Halldórsson SF 250 einnig fengið makríl á svipuðum slóðum. Uppsjávarskip Brims og Eskju héldu hins vegar í Smuguna mitt á milli Íslands og Noregs.
Allt yfir 500 grömm að þyngd
Beitir átti skammt í land þegar náðist í Tómas Kárason skipstjóra. „Við erum á landleið með tæp 500 tonn sem er þá fyrsti makrílfarmurinn. Þetta er allt stór makríll, yfir 500 grömm og upp í 570 grömm. Við fengum þennan makríl í Rósagarðinum og austur af Þórsbankanum, allt í íslenskri lögsögu sem eru það góða við þetta,“ sagði Tómas.
Beitir NK ber um 3.200 tonn í 13 RSW tönkum. Tómas segir að þeir hafi verið kallaðir inn til löndunar til þess að ræsa vinnsluna. „Þetta er fyrsti farmurinn og allir flokkar verða keyrðir rólega í gegn, þ.e.a.s. flakað, hausað og heilt, til þess að sneiða af alla vankanta í vinnslunni.“
Tómas segir ekki sérlega mikið magn á ferðinni og þetta hafi svo sem verið óttalegt kropp og engar torfur. En mjór er mikils vísir.
Vonar að Hafró hafi rangt fyrir sér
Uppsjávarskip Síldarvinnslunnar hófu makrílleit 25. júní síðastliðinn og byrjaði Beitir leitina vestur í Skeiðarárdýpi og var svo leitað austur eftir. Aðalveiðin var svo í Rósagarðinum og austur af Þórsbankanum en lítil veiði suður af landinu. Jóna Eðvalds og Ásgrímur Halldórsson fengu líka makríl á þeim slóðum, Jóna fékk á milli 600-700 tonn en skip Skinneyjar-Þinganess eru í veiðisamstarfi. Veiðisamstarf verður svo í framhaldinu tekið upp með Vilhelm Þorsteinssyni EA, uppsjávarskipi Samherja. Á veiðislóðinni eru líka Huginn VE, Sighvatur Bjarnason VE, Barði NK og Margrét EA.
Tómas segir að makrílveiðin hefjist örlítið fyrr núna en í fyrra þegar komið var fram í 9. júlí þegar makríll fékkst. Þá fékkst gott skot innan lögsögunnar í upphafi vertíðarinnar en árið þar á undan veiddist lítið eða ekkert innan lögsögunnar. „Það var aðeins meira í fyrra og vonandi ennþá meira núna. Hafró hafði spáð því að það yrði lítið af makríl í lögsögunni okkar í sumar og við vonum bara að þeir hafi rangt fyrir sér. Það er lítið fútt í því að keyra einhverjar 400 mílur þegar hægt er að sækja makríl á 100 mílna færi.“
Uppsjávarflotinn stefnir nú allur á miðin. Uppsjávarskip Brims, Venus RE og Víkingur AK, og Eskju, Aðalsteinn Jónsson SU, eru í Smugunni miðja vegu milli íslensku og norsku línunnar, eða nálægt 300 mílur frá landi. „Við vonum að þetta sé upphafið að vertíðinni en ég ætla nú ekki að segja að hafin sé veisla. En útlitið er gott,“ segir Tómas.
Beitir NK 123 var á leið til Neskaupstaðar til löndunar á um 500 tonnum af vænum makríl sem fékkst um 50 sjómílum austan Rauða torgsins og stefnt var að halda beint á miðin aftur að löndun lokinni. Þá höfðu Jóna Edvalds SF 200 og Ásgrímur Halldórsson SF 250 einnig fengið makríl á svipuðum slóðum. Uppsjávarskip Brims og Eskju héldu hins vegar í Smuguna mitt á milli Íslands og Noregs.
Allt yfir 500 grömm að þyngd
Beitir átti skammt í land þegar náðist í Tómas Kárason skipstjóra. „Við erum á landleið með tæp 500 tonn sem er þá fyrsti makrílfarmurinn. Þetta er allt stór makríll, yfir 500 grömm og upp í 570 grömm. Við fengum þennan makríl í Rósagarðinum og austur af Þórsbankanum, allt í íslenskri lögsögu sem eru það góða við þetta,“ sagði Tómas.
Beitir NK ber um 3.200 tonn í 13 RSW tönkum. Tómas segir að þeir hafi verið kallaðir inn til löndunar til þess að ræsa vinnsluna. „Þetta er fyrsti farmurinn og allir flokkar verða keyrðir rólega í gegn, þ.e.a.s. flakað, hausað og heilt, til þess að sneiða af alla vankanta í vinnslunni.“
Tómas segir ekki sérlega mikið magn á ferðinni og þetta hafi svo sem verið óttalegt kropp og engar torfur. En mjór er mikils vísir.
Vonar að Hafró hafi rangt fyrir sér
Uppsjávarskip Síldarvinnslunnar hófu makrílleit 25. júní síðastliðinn og byrjaði Beitir leitina vestur í Skeiðarárdýpi og var svo leitað austur eftir. Aðalveiðin var svo í Rósagarðinum og austur af Þórsbankanum en lítil veiði suður af landinu. Jóna Eðvalds og Ásgrímur Halldórsson fengu líka makríl á þeim slóðum, Jóna fékk á milli 600-700 tonn en skip Skinneyjar-Þinganess eru í veiðisamstarfi. Veiðisamstarf verður svo í framhaldinu tekið upp með Vilhelm Þorsteinssyni EA, uppsjávarskipi Samherja. Á veiðislóðinni eru líka Huginn VE, Sighvatur Bjarnason VE, Barði NK og Margrét EA.
Tómas segir að makrílveiðin hefjist örlítið fyrr núna en í fyrra þegar komið var fram í 9. júlí þegar makríll fékkst. Þá fékkst gott skot innan lögsögunnar í upphafi vertíðarinnar en árið þar á undan veiddist lítið eða ekkert innan lögsögunnar. „Það var aðeins meira í fyrra og vonandi ennþá meira núna. Hafró hafði spáð því að það yrði lítið af makríl í lögsögunni okkar í sumar og við vonum bara að þeir hafi rangt fyrir sér. Það er lítið fútt í því að keyra einhverjar 400 mílur þegar hægt er að sækja makríl á 100 mílna færi.“
Uppsjávarflotinn stefnir nú allur á miðin. Uppsjávarskip Brims, Venus RE og Víkingur AK, og Eskju, Aðalsteinn Jónsson SU, eru í Smugunni miðja vegu milli íslensku og norsku línunnar, eða nálægt 300 mílur frá landi. „Við vonum að þetta sé upphafið að vertíðinni en ég ætla nú ekki að segja að hafin sé veisla. En útlitið er gott,“ segir Tómas.
