Forseti Íslands, hr. Guðni Th. Jóhannesson, er þessa dagana í heimsókn í Fjarðabyggð. Í gær var hann ásamt fylgdarliði í Neskaupstað og kynnti sér meðal annars starfsemi Síldarvinnslunnar. Heimsóknin til Síldarvinnslunnar hófst á minninga- og sögureitnum á grunni gömlu síldarverksmiðjunnar, en hann var vígður í ágúst á síðasta ári og er helgaður þeim sem látið hafa lífið í störfum hjá Síldarvinnslunni. Síðan var haldið inn á höfn þar sem farið var um borð í uppsjávarskipið Beiti NK. Beitir hafði nýlokið við að landa fullfermi af kolmunna í fiskimjölsverksmiðju fyrirtækisins.
Í Beiti fór Gunnþór B. Ingvason forstjóri yfir sögu fyrirtækisins og eins fræddi Sturla Þórðarson, skipstjóri á Beiti, forsetann um uppsjávarveiðar og skoðað var myndefni frá slíkum veiðum. Þá var skipið skoðað hátt og lágt. Að lokinni heimsókninni til Síldarvinnslunnar hélt forsetinn og fylgdarlið hans til Mjóafjarðar.
Forseti Íslands, hr. Guðni Th. Jóhannesson, er þessa dagana í heimsókn í Fjarðabyggð. Í gær var hann ásamt fylgdarliði í Neskaupstað og kynnti sér meðal annars starfsemi Síldarvinnslunnar. Heimsóknin til Síldarvinnslunnar hófst á minninga- og sögureitnum á grunni gömlu síldarverksmiðjunnar, en hann var vígður í ágúst á síðasta ári og er helgaður þeim sem látið hafa lífið í störfum hjá Síldarvinnslunni. Síðan var haldið inn á höfn þar sem farið var um borð í uppsjávarskipið Beiti NK. Beitir hafði nýlokið við að landa fullfermi af kolmunna í fiskimjölsverksmiðju fyrirtækisins.
Í Beiti fór Gunnþór B. Ingvason forstjóri yfir sögu fyrirtækisins og eins fræddi Sturla Þórðarson, skipstjóri á Beiti, forsetann um uppsjávarveiðar og skoðað var myndefni frá slíkum veiðum. Þá var skipið skoðað hátt og lágt. Að lokinni heimsókninni til Síldarvinnslunnar hélt forsetinn og fylgdarlið hans til Mjóafjarðar.
