Vinnslustöðin hf., VSV, er að reyna að komast inn í samning um kaup á tækjabúnaði, sams konar og landeldisfyrirtækið Laxey í Vestmannaeyjum hefur fest kaup á – búnaði sem breytir sjó í vatn. Þetta er aðkallandi þar sem vatnslögnin frá landi til Eyja laskaðist illa nýlega og hættuástandi hefur verið lýst yfir í Vestmannaeyjum vegna hættu á vatnsskorti.
„Ef við náum þessu fram mun það tryggja getu okkar til óskerts reksturs og jafnvel þótt það verði stór loðnuvertíð, sem enginn veit reyndar hvort verði. Búnaður af þessu tagi kostar talsverða fjármuni en það er skynsamlegt að fara þessa leið,“ segir Sigurgeir Brynjar Kristgeirsson, framkvæmdastjóri.
Vonir standa til þess að ný vatnslögn verði lögð frá meginlandinu til Vestmannaeyja næsta sumar en Sigurgeir Brynjar segir það algjört lykilatriði fyrir fyrirtækið að ná að semja um kaup á þessum búnaði sem allra fyrst.
Vinnslustöðin hf., VSV, er að reyna að komast inn í samning um kaup á tækjabúnaði, sams konar og landeldisfyrirtækið Laxey í Vestmannaeyjum hefur fest kaup á – búnaði sem breytir sjó í vatn. Þetta er aðkallandi þar sem vatnslögnin frá landi til Eyja laskaðist illa nýlega og hættuástandi hefur verið lýst yfir í Vestmannaeyjum vegna hættu á vatnsskorti.
„Ef við náum þessu fram mun það tryggja getu okkar til óskerts reksturs og jafnvel þótt það verði stór loðnuvertíð, sem enginn veit reyndar hvort verði. Búnaður af þessu tagi kostar talsverða fjármuni en það er skynsamlegt að fara þessa leið,“ segir Sigurgeir Brynjar Kristgeirsson, framkvæmdastjóri.
Vonir standa til þess að ný vatnslögn verði lögð frá meginlandinu til Vestmannaeyja næsta sumar en Sigurgeir Brynjar segir það algjört lykilatriði fyrir fyrirtækið að ná að semja um kaup á þessum búnaði sem allra fyrst.
