Vilhelm Þorsteinsson EA kom síðastliðna nótt til Seyðisfjarðar með 2.450 tonn af kolmunna. Heimasíða Síldarvinnslunnar ræddi við Guðmund Þ. Jónsson skipstjóra og spurði fyrst hvar hefði verið veitt.
Kíkja eftir loðnu
„Við fengum þetta á gráa svæðinu suðaustur af Færeyjum. Aflinn fékkst í sjö holum. Það var lítið fyrst hjá okkur en síðan fékkst góður afli. Það er þarna fiskur á stóru svæði en það eru fá skip að veiðum núna. Við klárum að landa í kvöld og þá eru allir kvótar uppurnir hjá okkur í ár. Á siglingunni heim til Akureyrar er ætlunin að kíkja eftir loðnu og það verður spennandi,“ segir Guðmundur.
Barði á heimleið með 2.100 tonn
Eggert Ólafur Einarsson, verksmiðjustjóri í fiskimjölsverksmiðju Síldarvinnslunnar á Seyðisfirði, segir að það sé afar gott að fá hráefni til vinnslu núna. „Síðasti farmurinn sem við fengum kom í byrjun nóvember. Þetta er gott hráefni sem við erum að fá núna, fínasti fiskur og vel kældur. Nýjustu fréttir eru þær að Barði NK sé á leiðinni með rúmlega 2.100 tonn. Þá hefur Beitir NK verið að fiska vel. Þessir kolmunnafarmar eru væntanlega þeir síðustu á árinu,“ segir Eggert Ólafur.
Vilhelm Þorsteinsson EA kom síðastliðna nótt til Seyðisfjarðar með 2.450 tonn af kolmunna. Heimasíða Síldarvinnslunnar ræddi við Guðmund Þ. Jónsson skipstjóra og spurði fyrst hvar hefði verið veitt.
Kíkja eftir loðnu
„Við fengum þetta á gráa svæðinu suðaustur af Færeyjum. Aflinn fékkst í sjö holum. Það var lítið fyrst hjá okkur en síðan fékkst góður afli. Það er þarna fiskur á stóru svæði en það eru fá skip að veiðum núna. Við klárum að landa í kvöld og þá eru allir kvótar uppurnir hjá okkur í ár. Á siglingunni heim til Akureyrar er ætlunin að kíkja eftir loðnu og það verður spennandi,“ segir Guðmundur.
Barði á heimleið með 2.100 tonn
Eggert Ólafur Einarsson, verksmiðjustjóri í fiskimjölsverksmiðju Síldarvinnslunnar á Seyðisfirði, segir að það sé afar gott að fá hráefni til vinnslu núna. „Síðasti farmurinn sem við fengum kom í byrjun nóvember. Þetta er gott hráefni sem við erum að fá núna, fínasti fiskur og vel kældur. Nýjustu fréttir eru þær að Barði NK sé á leiðinni með rúmlega 2.100 tonn. Þá hefur Beitir NK verið að fiska vel. Þessir kolmunnafarmar eru væntanlega þeir síðustu á árinu,“ segir Eggert Ólafur.
