Hafrannsóknastofnun stendur nú fyrir rannsókn sem miðar að því að afla upplýsinga um hversu mikið sé af ljósátu í Ísafjarðardjúpi og hvort hugsanlega megi veiða hana og nýta sem fiskeldisfóður. Þetta kemur fram í nýjustu Fiskifréttum.
Verkefnið hefur á tveimur árum hlotið tólf miljón króna styrk úr AVS sjóðnum og er unnið í samvinnu Hafrannsóknastofnunarinnar og Hraðfrystistöðvarinnar Gunnvarar, sem meðan annars leggur Val ÍS til verksins.
Ljósáta hefur ekki verið veidd til nýtingar áður hér við land. Það hefur verið reynt í smáum stíl við Noreg og Kanada, en hún er mest veidd við Suðurheimskautslandið.
Sjá nánar í nýjustu Fiskifréttum.
