Myndir sem náðust nýlega af humri í sjónum við Maine í Bandaríkjunum benda til að fullvaxinn humar hafi breyst í „mannætu“ sem éti minni humra. Innan dýrafræðinnar kallast það sjálfrán þegar dýr éta einstaklinga af sömu tegund.
Vísindamenn við háskólann í Maine segja að þetta sé í fyrsta sinn sem myndir hafi nást að sjálfráni humars. Ástæðan fyrir þessari breyttu hegðun humarsins er talin vera hlýnun sjávar , mikill vöxtur stofnsins af þeim völdum og ofveiði á náttúrulegri fæðu humarsins.
