Ísfisktogarinn Gullver NS kom til heimahafnar á Seyðisfirði í morgun að afloknum stuttum túr. Heimasíða Síldarvinnslunnar ræddi við Hjálmar Ólaf Bjarnason skipstjóra og spurði hvernig hefði gengið að fiska.
„Við byrjuðum á að leita að þorski og fyrsti sólarhringurinn fór í þá leit. Þegar hann fannst gekk veiðin býsna vel. Aflinn er 66 tonn og við erum sáttir við það eftir að hafa verið í tvo og hálfan sólarhring í túrnum. Við veiddum þorskinn í Seyðisfjarðardýpinu og síðan var tekin ýsa á Tangaflakinu. Við förum út í dag strax eftir löndun og þá er meiningin að freista þess að finna ufsa, en hann hefur verið býsna erfiður lengi,“ segir Hjálmar Ólafur.
Ísfisktogarinn Gullver NS kom til heimahafnar á Seyðisfirði í morgun að afloknum stuttum túr. Heimasíða Síldarvinnslunnar ræddi við Hjálmar Ólaf Bjarnason skipstjóra og spurði hvernig hefði gengið að fiska.
„Við byrjuðum á að leita að þorski og fyrsti sólarhringurinn fór í þá leit. Þegar hann fannst gekk veiðin býsna vel. Aflinn er 66 tonn og við erum sáttir við það eftir að hafa verið í tvo og hálfan sólarhring í túrnum. Við veiddum þorskinn í Seyðisfjarðardýpinu og síðan var tekin ýsa á Tangaflakinu. Við förum út í dag strax eftir löndun og þá er meiningin að freista þess að finna ufsa, en hann hefur verið býsna erfiður lengi,“ segir Hjálmar Ólafur.
