Reglugerð um strandveiðar hefur verið birt í Stjórnartíðindum og er reglugerðin nánast óbreytt frá síðasta ári.
Í reglugerðinni kemur fram að veiðar mega hefjast fimmtudaginn 2. maí, aflamagn verður ekki minna en 10 þúsund tonn af þorski, veiðar eru heimilaðar fjóra daga í viku, mánudag - fimmtudags. Óheimilt verður að róa á uppstigningardag, annan í hvítasunnu, 17. júní og á frídegi verslunarmanna.
Í 3. grein reglugerðarinnar er bætt við ákvæði sem orðast svo:
„Í umsókn lögaðila um leyfi til strandveiða skulu koma fram upplýsingar um eignarhald á lögaðilanum.“
Heimildir til strandveiða samkvæmt reglugerðinni skiptast á fjögur löndunarsvæði, sem eru:
- Eyja- og Miklaholtshreppur – Súðavíkurhreppur,
- Strandabyggð – Grýtubakkahreppur,
- Þingeyjarsveit – Djúpavogshreppur,
- Sveitarfélagið Hornafjörður – Borgarbyggð.
Skipi á strandveiðum er einungis heimilt að landa afla innan síns löndunarsvæðis.
Hægt að sækja um strandveiðileyfi með rafrænum skilríkjum í stafrænni umsóknargátt á Ísland.is
