Íslensk skip hafa veitt kvóta sinn úr norsk-íslenska síldarstofninum í vaxandi mæli í íslenskri lögsögu á undanförnum árum. Það sem af er þessu ári er hlutfallið vel yfir 90%, að því er fram kemur í nýjustu Fiskifréttum sem fylgja Viðskiptablaðinu.
Þá er athyglisvert að heildarafli Íslendinga úr þessum stofni frá því að veiðar hófust að nýju árið 1994 er álíka mikill og síldaraflinn var á jafnlöngu tímabili á síldarárunum miklu fram að hruninu árið 1968.
Nánar er fjallað um þess mál í Fiskifréttum.
