Norsk skip lönduðu um 2,3 milljónum tonna af sjávarfangi á árinu 2011. Þetta eru endanlegar tölur sem norska hagstofan hefur nú birt.
Að magni til er um 14% samdrátt að ræða frá árinu 2010. Aflaverðmætið nam 16 milljörðum NOK í fyrra (357 milljörðum ISK) sem er 20% aukning frá árinu áður.
Þorskur skilaði mestum verðmætum eða um 25% af heildinni. Síld kemur þar á eftir með 21% og makríll er í þriðja sæti með 16%.
