Frystitogarinn Blængur NK veiddi 7.570 tonn á árinu 2023 og er það líklega mesti afli sem austfirskur togari hefur borið að landi á einu ári og án efa verðmætasti ársafli togara sem gerður hefur verið út frá Austfjörðum.
Þetta segir á vef Síldarvinnslunnar.
Afli Blængs er sagður hafa verið af mörgum tegundum. „Hann veiddi tæplega 1.300 tonn af þorski, tæplega 1.100 tonn af ýsu, rúmlega 1.500 tonn af ufsa, rúmlega 1.700 tonn af karfa, tæplega 900 tonn af grálúðu og tæplega 1.000 tonn af gulllaxi. Skipið hefur í tvígang áður veitt yfir 7.000 tonn á ári en þá var karfi mun hærra hlutfall heildaraflans,“ segir á svn.is.
Þá kemur fram að árið 2024 hafi byrjað vel hjá Blængi. „Hann er nú í 40 daga túr og þurfti að millilanda þann 18. janúar sl. Þegar millilöndunin fór fram hafði skipið veitt 372 tonn á 13 dögum og var uppistaða aflans ufsi og ýsa.“
Skipstjórar á Blængi eru Bjarni Ólafur Hjálmarsson og Sigurður Hörður Kristjánsson.
Eini frystitogarinn sem gerður er út frá Austfjörðum
Síldarvinnslan keypti frystitogaranum Blæng árið 2015 og er hann eini frystitogarinn sem gerður er út frá Austfjörðum að því er segir á vef Síldarvinnslunnar.
„Togarinn var smíðaður á Spáni árið 1974 og hét upphaflega Ingólfur Arnarson og síðar Freri. Fljótlega eftir að Síldarvinnslan festi kaup á skipinu var ákveðið að gera á því miklar breytingar og endurbætur. Fyrst hélt skipið til Póllands þar sem unnið var að umfangsmiklum breytingum og að því loknu hélt það til Akureyrar þar sem komið var upp búnaði á vinnsludekki. Í Póllandi var meðal annars allt endurnýjað í brú Blængs, bæði innréttingar og tækjabúnaður. Þar var einnig sett hliðarskrúfa á skipið og lestin lagfærð. Aðrar umbætur fólust meðal annars í því að skipið var sandblásið hátt og lágt og málað. Að öllum framkvæmdunum loknum var skipið hið glæsilegasta og gert ráð fyrir að frystigetan yrði 1.700 kassar á sólarhring eða um 36 tonn af afurðum og var þá miðað við karfavinnslu,“ segir á svn.is.
Frystitogarinn Blængur NK veiddi 7.570 tonn á árinu 2023 og er það líklega mesti afli sem austfirskur togari hefur borið að landi á einu ári og án efa verðmætasti ársafli togara sem gerður hefur verið út frá Austfjörðum.
Þetta segir á vef Síldarvinnslunnar.
Afli Blængs er sagður hafa verið af mörgum tegundum. „Hann veiddi tæplega 1.300 tonn af þorski, tæplega 1.100 tonn af ýsu, rúmlega 1.500 tonn af ufsa, rúmlega 1.700 tonn af karfa, tæplega 900 tonn af grálúðu og tæplega 1.000 tonn af gulllaxi. Skipið hefur í tvígang áður veitt yfir 7.000 tonn á ári en þá var karfi mun hærra hlutfall heildaraflans,“ segir á svn.is.
Þá kemur fram að árið 2024 hafi byrjað vel hjá Blængi. „Hann er nú í 40 daga túr og þurfti að millilanda þann 18. janúar sl. Þegar millilöndunin fór fram hafði skipið veitt 372 tonn á 13 dögum og var uppistaða aflans ufsi og ýsa.“
Skipstjórar á Blængi eru Bjarni Ólafur Hjálmarsson og Sigurður Hörður Kristjánsson.
Eini frystitogarinn sem gerður er út frá Austfjörðum
Síldarvinnslan keypti frystitogaranum Blæng árið 2015 og er hann eini frystitogarinn sem gerður er út frá Austfjörðum að því er segir á vef Síldarvinnslunnar.
„Togarinn var smíðaður á Spáni árið 1974 og hét upphaflega Ingólfur Arnarson og síðar Freri. Fljótlega eftir að Síldarvinnslan festi kaup á skipinu var ákveðið að gera á því miklar breytingar og endurbætur. Fyrst hélt skipið til Póllands þar sem unnið var að umfangsmiklum breytingum og að því loknu hélt það til Akureyrar þar sem komið var upp búnaði á vinnsludekki. Í Póllandi var meðal annars allt endurnýjað í brú Blængs, bæði innréttingar og tækjabúnaður. Þar var einnig sett hliðarskrúfa á skipið og lestin lagfærð. Aðrar umbætur fólust meðal annars í því að skipið var sandblásið hátt og lágt og málað. Að öllum framkvæmdunum loknum var skipið hið glæsilegasta og gert ráð fyrir að frystigetan yrði 1.700 kassar á sólarhring eða um 36 tonn af afurðum og var þá miðað við karfavinnslu,“ segir á svn.is.
