Nú þegar rúmar þrjár vikur eru eftir af kvótaárinu á enn eftir að veiða 1.400 tonn af 5.000 tonna úthafsrækjukvóta, að því er fram kemur í Fiskifréttum í dag.
Þá vantar enn töluvert upp á að rækjukvótinn við Snæfellsnes, sem áður flokkaðist með úthafsrækju, sé veiddur. Af 837 tonna kvóta þar eru 339 tonn óveidd.
Skýringin á þessu er talin vera slök aflabrögð og lítill kvóti sem gerir það að verkum að mörgum þykir ekki taka því að útbúa sig á veiðarnar.
Sjá nánar í Fiskifréttum.
