Mun minna fannst af íslenskri sumargotssíld en búist var við í nýlegum leiðangri sem farinn var á Bjarna Sæmundssyni til að mæla stofnstærð síldarinnar, að því er Guðmundur Óskarsson leiðangursstjóri sagði í samtali við Fiskifréttir.
Megnið af síldinni er fyrir vestan land sem fyrr en hún er dreifð og virðist ekki vera komin í vetrarástand. Það var helst grynnst í Kolluálnum að einhver merki voru um þéttar og stórar torfur sem minntu á vetrarástand. Heildarmælingin fyrir vestan var allt að helmingi minni en vænta mátti. Guðmundur gat þess að hugsanlega hefði síldin verið það dreifð að ekki hefði náðst utan um mælingu á henni.
Sjá nánar í nýjustu Fiskifréttum.
