Hinn 22. janúar s.l. bætti Kristina EA fyrra met sitt þegar skipið landaði í Neskaupstað 2.199 tonnum af frystri loðnu. Fyrir skömmu var greint frá því að Kristina EA hefði landað í Neskaupstað stærsta farmi af frystri loðnu sem íslenskt skip hefði komið með að landi. Þessi farmur reynist vera 2.038 tonn.
Kristina EA er stærsta skipið í íslenska fiskiskipaflotanum og um borð í því er fiskimjölsverksmiðja. Að aflokinni fyrri veiðiferðinni landaði skipið 61 tonni af loðnumjöli og 97 tonnum eftir síðari veiðiferðina.
Frá þessu er skýrt á vef Síldarvinnslunnar .
