Byggðaráð Múlaþings hefur nú gefið út erindisbréf fyrir samráðshóp um framtíðaruppbyggingu atvinnulífs á Seyðisfirði.
„Tilefni vinnu samráðshópsins er fyrirhuguð lokun Síldarvinnslunnar hf. á bolfiskvinnslu fyrirtækisins á Seyðisfirði,“ er minnt á í fundargerð byggðaráðsins sem samþykkt hafði 26, september að hópurinn yrði skipaður.
„Verkefni samráðshópsins er að greina valkosti varðandi framtíðaruppbyggingu atvinnulífs á Seyðisfirði, svo sem nútímavæðingu fiskvinnslu,“ segir byggðaráðið sem ætlar hópnum að „auglýsa eftir tillögum að atvinnuuppbyggingu á Seyðisfirði sem skapa heilsársstörf, greina raunhæfni þeirra valkosta er tillögur verða gerðar um og eiga samráð við íbúa Seyðisfjarðar varðandi úrvinnslukosti.“ Þegar hefur verið auglýst eftir tillögum að atvinnuuppbyggingu..
Niðurstöður í lok febrúar
Samráðshópurinn á að stefna að því að skila af sér niðurstöðum um mánaðarmótin febrúar-mars 2024, það er að segja eftir tæpa fjóra mánuði.
Eins og fram hefur komið hyggst Síldarvinnslan loka bolfiskvinnslu sinni á Seyðisfirði og missa þá um þrjátíu manns vinnuna. Fulltrúi fyrirtækisins, Ómar Bogason, á sæti í samráðshópnum. Að auki eru þar Vilhjálmur Jónsson og Þröstur Jónsson, sem eru tilnefndir af byggðaráði Múlaþings, Margrét Guðjónsdóttir, tilnefnd af heimastjórn Seyðisfjarðar og Urður Gunnarsdóttir tilnefnd af Austurbrú.
Byggðaráð Múlaþings hefur nú gefið út erindisbréf fyrir samráðshóp um framtíðaruppbyggingu atvinnulífs á Seyðisfirði.
„Tilefni vinnu samráðshópsins er fyrirhuguð lokun Síldarvinnslunnar hf. á bolfiskvinnslu fyrirtækisins á Seyðisfirði,“ er minnt á í fundargerð byggðaráðsins sem samþykkt hafði 26, september að hópurinn yrði skipaður.
„Verkefni samráðshópsins er að greina valkosti varðandi framtíðaruppbyggingu atvinnulífs á Seyðisfirði, svo sem nútímavæðingu fiskvinnslu,“ segir byggðaráðið sem ætlar hópnum að „auglýsa eftir tillögum að atvinnuuppbyggingu á Seyðisfirði sem skapa heilsársstörf, greina raunhæfni þeirra valkosta er tillögur verða gerðar um og eiga samráð við íbúa Seyðisfjarðar varðandi úrvinnslukosti.“ Þegar hefur verið auglýst eftir tillögum að atvinnuuppbyggingu..
Niðurstöður í lok febrúar
Samráðshópurinn á að stefna að því að skila af sér niðurstöðum um mánaðarmótin febrúar-mars 2024, það er að segja eftir tæpa fjóra mánuði.
Eins og fram hefur komið hyggst Síldarvinnslan loka bolfiskvinnslu sinni á Seyðisfirði og missa þá um þrjátíu manns vinnuna. Fulltrúi fyrirtækisins, Ómar Bogason, á sæti í samráðshópnum. Að auki eru þar Vilhjálmur Jónsson og Þröstur Jónsson, sem eru tilnefndir af byggðaráði Múlaþings, Margrét Guðjónsdóttir, tilnefnd af heimastjórn Seyðisfjarðar og Urður Gunnarsdóttir tilnefnd af Austurbrú.
