Tyrkneskir fjölmiðlar greina frá því að tvíhöfða höfrung hafi skolað upp að ströndum landsins.
Kálfurinn fannst í fjöru í bænum Dikili í vesturhluta landsins í síðustu viku. Haft var eftir sjávarlíffræðingnum Mehmet Gokoglu að höfrungur með tvö höfuð væri afar fátítt fyrirbrigði í náttúrunni.
Höfrungurinn verður rannsakaður til hlítar í Akdeniz háskólanum í Tyrklandi.
