Alls fá 488 fyrirtæki eða lögaðilar úthlutað kvóta á nýju fiskveiðiári. Kvótahæsta fyrirtækið er HB Grandi líkt og í fyrra með 11,2% af heildinni, næst kemur Samherji með 6,8% og þá Þorbjörn hf. með 5,5%. Þetta er sama röð efstu fyrirtækja og undanfarin ár.
Fimmtíu stærstu fyrirtækin eru með sem nemur um 86% af úthlutuðu aflamarki og vex hlutur þeirra um 0,8% á milli ára.
Alls fá 627 skip úthlutað aflamarki í upphafi fiskveiðiárs 2013/2014. Mest aflamark fer til Brimness RE, rúm 9.500 þorskígildistonn eða 2,5% af heildinni.
Athygli er vakin á því að síðar á árinu verður úthlutað aflamarki í deilistofnum. Þess vegna á heildaraflamark einstakra skipa og útgerða eftir að breytast þegar líður á fiskveiðiárið.
Hér að neðan er tafla yfir 10 kvótahæstu fyrirtækin við upphafsúthlutun kvótaárið 2013/2014.
1. HB Grandi 42,7 þús. þígt. 11,2%
2. Samherji 25,8 þús. þígt. 6,8%
3. Þorbjörn 20,8 þús. þígt. 5,5%
4. FISK Seaf. 18,2 þús. þígt. 4,8%
5. Brim 16,7 þús. þígt. 4,4%
6. Vinnslust. 16,1 þús. þígt. 4,2%
7. Vísir 15,6 þús. þígt. 4,1%
8. Rammi 14,6 þús. þígt. 3,8%
9. Skinn.-Þing. 14,5 þús. þígt. 3,8%
10. HG 11,3 þús. þígt. 3,0%
