Ákvörðun Jonasar Gahr Støre, forsætisráðherra Noregs, um að skipta út Bjørnar Skjæran úr stól sjávarútvegsráðherra vekur talsvert harða gagnrýni meðal flokkssystkina Støre í Verkamannaflokknum og meðal sjómanna.
Þetta kemur fram í umfjöllun Norska ríkisútvarpsins.
Bjørnar Skjæran tók við sem sjávarútvegsráðherra Noregs 2021 og var því búinn að vera um tvö ár í embætti er hann lét af því í gær og afhenti eftirmanni sínum, Cecilie Myrseth, lyklavöldin í ráðuneytinu. Við það tækifæri kvaðst Skjæran gjarnan hafa viljað fylgja eftir til enda nokkrum stórum verkefnum sem eru í vinnslu í ráðuneytinu en að hann virti vilja forsætisráðherrans. Sagðist hann jafnframt ánægður með að það væri Cecilie Myrset sem tæki við keflinu.
Áhyggjur af kvótavinnu
Innan sjávarútvegsins lýsa menn áhyggjum af því að ráðherraskiptin tefji mikilvæga vinnu í tengslum við kvótakerfið sem áætlað hafi verið að lyki áður en jólin ganga í garð.
Í Norðurlandsfylki vekja ráðherraskiptin sterk viðbrögð hjá flokkssystkinum Skjæran og Støre.
„Það að forsætisráðherrann hafi valið að skipta út Bjørnar Skjæran sjávarútvegsráðherra er í senn í óskiljanlegt og óvænt,“er haft eftir Monu Nilsen, leiðtoga Verkamannaflokksins í Norðurlandsfylki.
Segir Nilsen að Skjæran hafi haldið vel á erfiðum málum í embætti og haft skilning á þeim úrlausnarefnum sem fást þurfi við og séu mikilvæg fyrir Norðurlandsfylki. Frá þessu svæði sé nú enginn fulltrúi við ríkisstjórnarborðið.
Ákvörðun Jonasar Gahr Støre, forsætisráðherra Noregs, um að skipta út Bjørnar Skjæran úr stól sjávarútvegsráðherra vekur talsvert harða gagnrýni meðal flokkssystkina Støre í Verkamannaflokknum og meðal sjómanna.
Þetta kemur fram í umfjöllun Norska ríkisútvarpsins.
Bjørnar Skjæran tók við sem sjávarútvegsráðherra Noregs 2021 og var því búinn að vera um tvö ár í embætti er hann lét af því í gær og afhenti eftirmanni sínum, Cecilie Myrseth, lyklavöldin í ráðuneytinu. Við það tækifæri kvaðst Skjæran gjarnan hafa viljað fylgja eftir til enda nokkrum stórum verkefnum sem eru í vinnslu í ráðuneytinu en að hann virti vilja forsætisráðherrans. Sagðist hann jafnframt ánægður með að það væri Cecilie Myrset sem tæki við keflinu.
Áhyggjur af kvótavinnu
Innan sjávarútvegsins lýsa menn áhyggjum af því að ráðherraskiptin tefji mikilvæga vinnu í tengslum við kvótakerfið sem áætlað hafi verið að lyki áður en jólin ganga í garð.
Í Norðurlandsfylki vekja ráðherraskiptin sterk viðbrögð hjá flokkssystkinum Skjæran og Støre.
„Það að forsætisráðherrann hafi valið að skipta út Bjørnar Skjæran sjávarútvegsráðherra er í senn í óskiljanlegt og óvænt,“er haft eftir Monu Nilsen, leiðtoga Verkamannaflokksins í Norðurlandsfylki.
Segir Nilsen að Skjæran hafi haldið vel á erfiðum málum í embætti og haft skilning á þeim úrlausnarefnum sem fást þurfi við og séu mikilvæg fyrir Norðurlandsfylki. Frá þessu svæði sé nú enginn fulltrúi við ríkisstjórnarborðið.
