Nóg er um að vera hjá Vélfagi þessa daganna þar sem fyrirtækið er að afhenda fyrstu þrjár UNO vélarnar til viðskiptavina. UNO er byltingarkennd fiskvinnsluvél og í fyrstu útgáfu mun vélin taka inn hausaðan og slægðan fisk og skila af sér roðlausum og beinlausum flökum.
Tvær UNO vélar eru nú á leiðinni yfir Atlantshafið þar sem þær verða afhentar norsku útgerðinni BlueWild og verða settar upp í frystitogaranum EcoFive. Gert er ráð fyrir að skipið fari sinn fyrsta sjótúr í Júní og verða þar með fyrstu UNO vélarnar um borð í skipi.
Fiskvinnslan Kambur fjárfesti síðastliðinn nóvember í UNO og stendur þessa daganna yfir undirbúningur fyrir uppsetningu vélarinnar. Þetta verður fyrsta UNO vélinn sem verður tekinn í notkun fyrir landvinnslu og mun vinna ýsu. Gert er ráð fyrir að vélin verði komin í notkun á næstu misserum.
Mikill áhugi frá greininni
„Við finnum fyrir miklum áhuga frá greininni á þessari nýju lausn og við vitum að það eru margir aðilar sem bíða spenntir eftir að sjá og fá fregnir af hvernig fyrstu vélarnar munu standa sig í vinnslu. Þetta er búin að vera löng vegferð að þróa og hanna þessa byltingakenndu vél og erum við því gríðarlega spennt að vera loksins komin á þann stað að geta sýnt sjávarútveginum hvað vélinn getur í raun“ segir Andri Fannar Gíslason, þróunarstjóri Vélfags.
Nóg er um að vera hjá Vélfagi þessa daganna þar sem fyrirtækið er að afhenda fyrstu þrjár UNO vélarnar til viðskiptavina. UNO er byltingarkennd fiskvinnsluvél og í fyrstu útgáfu mun vélin taka inn hausaðan og slægðan fisk og skila af sér roðlausum og beinlausum flökum.
Tvær UNO vélar eru nú á leiðinni yfir Atlantshafið þar sem þær verða afhentar norsku útgerðinni BlueWild og verða settar upp í frystitogaranum EcoFive. Gert er ráð fyrir að skipið fari sinn fyrsta sjótúr í Júní og verða þar með fyrstu UNO vélarnar um borð í skipi.
Fiskvinnslan Kambur fjárfesti síðastliðinn nóvember í UNO og stendur þessa daganna yfir undirbúningur fyrir uppsetningu vélarinnar. Þetta verður fyrsta UNO vélinn sem verður tekinn í notkun fyrir landvinnslu og mun vinna ýsu. Gert er ráð fyrir að vélin verði komin í notkun á næstu misserum.
Mikill áhugi frá greininni
„Við finnum fyrir miklum áhuga frá greininni á þessari nýju lausn og við vitum að það eru margir aðilar sem bíða spenntir eftir að sjá og fá fregnir af hvernig fyrstu vélarnar munu standa sig í vinnslu. Þetta er búin að vera löng vegferð að þróa og hanna þessa byltingakenndu vél og erum við því gríðarlega spennt að vera loksins komin á þann stað að geta sýnt sjávarútveginum hvað vélinn getur í raun“ segir Andri Fannar Gíslason, þróunarstjóri Vélfags.
