„Þetta er bara ótrúlegt,“ segir forstjóri Skinneyjar-Þinganess um áformaða hækkun veiðigjalds. Hann fagnar hins vegar vel unnu og nýloknu verki dýpkunarskips í Grynnslunum í Hornafjarðarósi og vonar að framhald verði á. „Það er það sem við treystum á þegar við ákváðum að byggja hér stóran frystiklefa og fjárfesta meira í mjölverksmiðjunni,“ segir hann.

„Það virðist sama hvaða dynti stjórnmálamenn eru með í höfðinu varðandi að eyða peningum sem þeir ekki öfluðu sjálfir að alltaf er það skynsamlegasta leiðin að sækja þá peninga á útgerðarfélögin,“ segir framkvæmdastjóri Micro/Klaka.