Fiskneysla Íslendinga hefur tekið miklum breytingum og er hún ekki nema svipur hjá sjón miðað við fyrri tíma, að því er fram kemur í viðtali í Fiskifréttum við Laufey Steingrímsdóttur, prófessor í næringarfræði við Háskóla Íslands.
Árið 1939 innbyrti hver Íslendingur ríflega 200 grömm af fiski á dag að meðaltali en árið 2002 var neyslan komin niður í 40 grömm á dag. Ekki borða allir aldurshópar jafnmikið af fiski. Samkvæmt könnun frá árinu 2002 borðuðu stúlkur á aldrinum 15 til 19 ára að meðaltali 15 grömm af fiski á dag sem jafngildir einum munnbita. Mest er fiskneyslan hjá karlmönnum sem komnir eru yfir miðjan aldur.
Sjá nánar í nýjustu Fiskifréttum.
