Í gær var boðinn upp 5.000 tonna kolmunnakvóti í Færeyjum að tilhlutan stjórnvalda en enginn bauð í. Lágmarksverðið sem sett var á kvótann var 30 aurar danskar á kílóið, jafnvirði 5,23 íslenskra króna. Í dag var aftur gerð tilraun til uppboðs og verðið lækkað í 18 danska aura á kílóið (3,14 ISK) en allt fór á sömu leið.
Færeyski sjávarútvegsráðherrann útilokar ekki að lágmarksverðið verði enn lækkað og reynt á ný síðar.
