„Það er lítið, engin stór loðnuganga þarna á ferðinni,“ segir Guðmundur J. Óskarsson, sviðsstjóri uppsjávarsviðs Hafrannsóknarstofnunar, í frétt á visir.is.
Haft er eftir Guðmundi að loðnutorfa sem skipstjórar þriggja uppsjávarveiðiskipa hafi séð undan Suðausturlandi í vikunni sé ekki stór. Ekki sé komin niðurstaða en engar vísbendingar bendi til þess að eitthvað stórt sé þarna á ferðinni.
„Þó það sé ekki komin niðurstaða úr þessu eru engar vísbendingar um að þetta sé eitthvað stórt sem breytir eitthvað miklu. Það er vissulega loðna þarna á ferðinni en ekki mikið,“ segir Guðmundur á visir.is þar sem nánar er fjallað um loðnuleitina sem staðið hefur yfir síðan í gær.
