Fiskistofa í Noregi hefur nú slegið því föstu að eldisþorskar sem sjómenn við Meløy uppgötvuðu í janúar síðastliðinum hafi komið frá kvíum fyrirtækisins Norcod í Frosvik.
Þetta kemur fram í Fiskeribladetþar sem vitnað er í nýja skýrslu Fiskistofu um málið.
Eldisstöð Nordcod í Frosvik er skammt frá þeim stað þar sem eldisþorskarnir náðust. Segir Fiskeribladet að um hafi verið að ræða 650 þorska sem hafi verið kynþroska og um þrjú kíló að þyngd.
Að sögn Fiskistofu hefur athugun leitt í ljós að á kvíunum í Frosvika hafi frá haustinu 2022 fram í janúar á þessu ári verið mörg göt sem voru nægilega stór til þess að þorskarnir slyppu út. Aðrar þorskeldisvíar séu auk þess mun lengra lengra frá þeim stað sem þorskarnir veiddust.
Forstjóri Norcod, Christian Riber, segir í fréttatilkynningu að það sé óheppilegt að eldisþorskar hafi ratað á villigötur.
Fiskistofa segir að ekki útilokað að þorskar úr öðru stroki sem varð úr umræddum kvíum á árinu 2021 hafi verið meðal þeirra sem veiddust í fyrravetur. Fleiri fiskar virðist hafa verið í því stroki en upphaflega hafi verið talið.
Fiskistofa í Noregi hefur nú slegið því föstu að eldisþorskar sem sjómenn við Meløy uppgötvuðu í janúar síðastliðinum hafi komið frá kvíum fyrirtækisins Norcod í Frosvik.
Þetta kemur fram í Fiskeribladetþar sem vitnað er í nýja skýrslu Fiskistofu um málið.
Eldisstöð Nordcod í Frosvik er skammt frá þeim stað þar sem eldisþorskarnir náðust. Segir Fiskeribladet að um hafi verið að ræða 650 þorska sem hafi verið kynþroska og um þrjú kíló að þyngd.
Að sögn Fiskistofu hefur athugun leitt í ljós að á kvíunum í Frosvika hafi frá haustinu 2022 fram í janúar á þessu ári verið mörg göt sem voru nægilega stór til þess að þorskarnir slyppu út. Aðrar þorskeldisvíar séu auk þess mun lengra lengra frá þeim stað sem þorskarnir veiddust.
Forstjóri Norcod, Christian Riber, segir í fréttatilkynningu að það sé óheppilegt að eldisþorskar hafi ratað á villigötur.
Fiskistofa segir að ekki útilokað að þorskar úr öðru stroki sem varð úr umræddum kvíum á árinu 2021 hafi verið meðal þeirra sem veiddust í fyrravetur. Fleiri fiskar virðist hafa verið í því stroki en upphaflega hafi verið talið.
