Bandaríski herinn í Japan kaupir nú japanskar sjávarafurðir í stórum stíl til að vega upp á móti innflutningsbanni sem Kínverjar settu á þessar afurðir vegna losunar á vatni frá Fukushima-kjarnorkuverinu.
Þetta kemur fram á vef Viðskiptablaðsins þar sem einnig segir að Rahm Emanuel, sendiherra Bandaríkjanna í Japan, upplýsi að bandarísk stjórnvöld séu einnig að skoða aðrar leiðir til að vinna gegn sölubanni Kínverja. Sendiherrann segi að um viðskiptastríð sé að ræða.
„Emanuel sagði við fréttastofuna Reuters að kaupin væri aðeins byrjunin á langtímasamning sem mun ná til allra tegunda sjávarafurða. Kaupin verða notuð til að fæða hermenn og verða vörurnar einnig seldar í verslunum og veitingastöðum á bandarískum herstöðvum í Japan,“ segir á vb.is þar sem nánar er fjallað um málið.
