Afli smábáta á síðasta fiskveiðiári nam um 81 þúsund tonni. Aflaverðmæti þeirra var um 23 milljarðar en þá tölu má tvöfalda til að finna útflutningsverðmæti.
Þetta kemur fram í ítarlegri umfjöllun Fiskifrétta um aðalfund Landssambands smábátaeigenda sem haldinn var í síðustu viku.
Alls eru 1.085 bátar á bakvið þessi 81 þúsund tonn, 603 í krókaaflamarki og140 í aflamarki. Um 630 bátar voru á strandveiðum þar af 342 bátar sem flokkast sem hreinir strandveiðibátar.
Smábátarnir veiddu rúm 50 þúsund tonn af þorski sem er 23,4% af veiðinni í íslenskri lögsögu. Þeir veiddu 10.340 tonn af ýsu sem er 31% af heildinni. Þá veiddu trillukarlar 49% af steinbít á Íslandsmiðum.
Sjá nánar í nýjustu Fiskifréttum.
Sjá einnig á vef Landssambands smábátaeigenda:
Halldór Ármannsson formaður, setningarræða
Örn Pálsson framkvæmdastjóri, skýrsla til aðalfundar
