Heimilt verður að stunda hrognkelsaveiðar í innanverðum Breiðafirði til og með 31. ágúst, samkvæmt breytingum á reglugerð um hrognkelsaveiðar árið 2023 sem birt hefur verið í Stjórnartíðindum.
Þetta er þriðja breytingin sem gerð er á upphaflegri reglugerð. Fyrst var dögum fjölgað úr 25 í 35 og síðar 45. Jafnframt var veiðitímabil lengt. Í stað þess að
lokadagur væri 30. júní var ákveðið að hann verði 12. ágúst á öllum svæðum. Með síðustu breytingu verður sem sagt heimilt að stunda hrognkelsaveiðar í innanverðum Breiðafirði til og með 31. ágúst.
Fram kemur á heimasíðu Landssambands smábátaeigenda að grásleppubátar hafa nú veitt 3.610 tonn, en á sama tíma í fyrra var veiðin 4.121 tonn. Aflinn það sem af er ári er 12% minni en í fyrra. Alls hafa 163 bátar landað en voru á sama tíma í fyrra 173. LS áætlar að verð hafi hækkað um 40% frá í fyrra.
„Þrátt fyrir að vertíðin hafi verið lengd er ólíklegt að takist að veiða leyfilegt magn 4.411 tonn.“
Heimilt verður að stunda hrognkelsaveiðar í innanverðum Breiðafirði til og með 31. ágúst, samkvæmt breytingum á reglugerð um hrognkelsaveiðar árið 2023 sem birt hefur verið í Stjórnartíðindum.
Þetta er þriðja breytingin sem gerð er á upphaflegri reglugerð. Fyrst var dögum fjölgað úr 25 í 35 og síðar 45. Jafnframt var veiðitímabil lengt. Í stað þess að
lokadagur væri 30. júní var ákveðið að hann verði 12. ágúst á öllum svæðum. Með síðustu breytingu verður sem sagt heimilt að stunda hrognkelsaveiðar í innanverðum Breiðafirði til og með 31. ágúst.
Fram kemur á heimasíðu Landssambands smábátaeigenda að grásleppubátar hafa nú veitt 3.610 tonn, en á sama tíma í fyrra var veiðin 4.121 tonn. Aflinn það sem af er ári er 12% minni en í fyrra. Alls hafa 163 bátar landað en voru á sama tíma í fyrra 173. LS áætlar að verð hafi hækkað um 40% frá í fyrra.
„Þrátt fyrir að vertíðin hafi verið lengd er ólíklegt að takist að veiða leyfilegt magn 4.411 tonn.“
