Gitte Henning, nýjasta og jafnframt stærsta fiskiskip Danmerkur, fiskaði 3.500 tonn af kolmunna á tveimur og hálfum sólarhring í jómfrúarferð sinni.
Í Fiskeribladet/Fiskaren er tekið fram að ekki sé þetta þó metveiði miðað við tíma því þess séu dæmi að norskir bátar hafi fiskað um 2.000 tonn á einum sólarhring og fyrir nokkrum árum hafi hinn færeyska Krónborg veitt 2.600-2.700 tonn á tveimur sólarhringum. Haft er eftir Henning Kjeldsen, útgerðarmanni Gitte Henning, að örugglega hefði verið unnt að veiða meira á skemmri tíma við venjulegar aðstæður en þegar skip sé nýsmíðað þurfi að fara varlegar í sakirnar fyrst til að byrja með meðan verið sé að læra á tæki og búnað.
Gitte Henning er 86,3 metrar að lengd og 17,6 metrar á breidd.
