Það styttist í að Hákon ÞH, nýtt uppsjávarskip Gjögurs hf., komi til landsins þótt ennþá sé talsverð vinna eftir í skipinu og ljóst að það missir af loðnuvertíð verði þá einhver loðna veidd.
![Hákon ÞH 2, uppsjávarskip Gjögurs.](http://vb.overcastcdn.com/images/128680.width-800.jpg)
Skipið var dregið frá skipasmíðastöð Karstensens í Gdansk á laugardag og til skipasmíðastöðvar fyrirtækisins í Skagen í Danmörku. Áætluð afhending er í apríl á næsta ári. Skrokkurinn var smíðaður hjá Karstensens í Póllandi og sjósettur í október síðastliðnum.
Hellingur eftir
„Lestarnar eru nánast tilbúnar, skrúfa og stýri eru komin og búið er að hífa vél, gír og ásrafal. En það á eftir að ganga frá þessu, þar á meðal ljósavél. Þannig að uppistöðu er skipið bara hrár skrokkur ennþá að innan,“ segir Freyr Njálsson sem fylgir smíðinni eftir fyrir hönd Gjögurs.
![Kvöldmyrkið rammar inn Hákon ÞH.](http://vb.overcastcdn.com/images/128681.width-800.jpg)
Það á því eftir að draga rafmagn í skipið, innrétta það og gera margt annað. En sem fyrr segir á að afhenda það í lok apríl á næsta ári en upphaflega stóð til að það yrði afhent á vordögum 2025. Gjögur og Skinney-Þinganes, sem er að láta smíða systurskip Hákons, skiptust á samningum og færðist þá afhending Hákons fram um eitt ár og seinkaði um eitt ár hjá Skinney-Þinganesi. Þetta hentaði jafnt báðum fyrirtækjum.
Hákon eldri til sölu
Skipið er 75,4 metrar á lengd og 16,5 metrar á breidd. Lestarnar eru búnar kælitönkum sem taka um 2.400 rúmmetra af fiski og sjó. Aðalvélin er frá Wärtstilä og aflið er 5.200 kW. Skrúfan er fjórir metrar í þvermál. Hákon EA, sem nýja skipið leysir af hólmi, var smíðaður í Chile 2001 eftir teikningum Nautic. Hann er nú til sölu.
![Þannig hvíldi hann tignarlegur við bryggju í Skagen.](http://vb.overcastcdn.com/images/128682.width-800.jpg)
Það styttist í að Hákon ÞH, nýtt uppsjávarskip Gjögurs hf., komi til landsins þótt ennþá sé talsverð vinna eftir í skipinu og ljóst að það missir af loðnuvertíð verði þá einhver loðna veidd.
![Hákon ÞH 2, uppsjávarskip Gjögurs.](http://vb.overcastcdn.com/images/128680.width-800.jpg)
Skipið var dregið frá skipasmíðastöð Karstensens í Gdansk á laugardag og til skipasmíðastöðvar fyrirtækisins í Skagen í Danmörku. Áætluð afhending er í apríl á næsta ári. Skrokkurinn var smíðaður hjá Karstensens í Póllandi og sjósettur í október síðastliðnum.
Hellingur eftir
„Lestarnar eru nánast tilbúnar, skrúfa og stýri eru komin og búið er að hífa vél, gír og ásrafal. En það á eftir að ganga frá þessu, þar á meðal ljósavél. Þannig að uppistöðu er skipið bara hrár skrokkur ennþá að innan,“ segir Freyr Njálsson sem fylgir smíðinni eftir fyrir hönd Gjögurs.
![Kvöldmyrkið rammar inn Hákon ÞH.](http://vb.overcastcdn.com/images/128681.width-800.jpg)
Það á því eftir að draga rafmagn í skipið, innrétta það og gera margt annað. En sem fyrr segir á að afhenda það í lok apríl á næsta ári en upphaflega stóð til að það yrði afhent á vordögum 2025. Gjögur og Skinney-Þinganes, sem er að láta smíða systurskip Hákons, skiptust á samningum og færðist þá afhending Hákons fram um eitt ár og seinkaði um eitt ár hjá Skinney-Þinganesi. Þetta hentaði jafnt báðum fyrirtækjum.
Hákon eldri til sölu
Skipið er 75,4 metrar á lengd og 16,5 metrar á breidd. Lestarnar eru búnar kælitönkum sem taka um 2.400 rúmmetra af fiski og sjó. Aðalvélin er frá Wärtstilä og aflið er 5.200 kW. Skrúfan er fjórir metrar í þvermál. Hákon EA, sem nýja skipið leysir af hólmi, var smíðaður í Chile 2001 eftir teikningum Nautic. Hann er nú til sölu.
![Þannig hvíldi hann tignarlegur við bryggju í Skagen.](http://vb.overcastcdn.com/images/128682.width-800.jpg)