„Það verður fróðlegt að sjá hvort matvælaráðherra ætli að halda áfram að ástunda ógeðfelld stjórnsýsluvinnubrögð og heimila ekki veiðarnar 1. september eins og ráðherrann hefur nú þegar gefið í skyn að hún ætli sér að gera,“ segir Vilhjálmur Birgisson, formaður Verkalýðsfélags Akraness í Facbookfærslu um hvalveiðimálið.
„Ég verð að lýsa yfir ánægju með að Hvalur hafi boðið starfsmönnum vinnu í sumar en að sjálfsögðu er Hvalur að tryggja að fyrirtækið hafi mannskap þegar svokallaða „tímabundna“ hvalveiðibann rennur út sem er 1. september. Enda blasir við að Hvalur mun fara á veiðar 1. september og reyna að lágmarka það gríðarlega fjárhagstjón sem matvælaráðherra hefur valdið starfsmönnum og fyrirtækinu,“ segir Vilhjálmur ennfremur.
Formaðurinn bendir á að sú vinna sem sé í boði hjá Hval sé einungis dagvinna. „Nema þær launatekjur einungis brot af þeim tekjum ef þetta ólöglega tímabundna hvalveiðibann hefði ekki komið til,“ segir áfram í færslunni.
„Það er alveg ljóst að Hvalur er að undirbúa margra milljarða skaðabótakröfu á hendur ríkinu. Það er bara spurning hversu há hún verður, en það mun væntanlega ráðast á því hvort veiðarnar verða heimilaðar 1. september eða ekki,“ segir Vilhjálmur sem kveður ríkisstjórnina hljóta að springa verði hvalveiðibannið framlengt.
Rætt er við Vilhjálm um þetta mál í næsta tölublaði Fiskifrétta.
„Það verður fróðlegt að sjá hvort matvælaráðherra ætli að halda áfram að ástunda ógeðfelld stjórnsýsluvinnubrögð og heimila ekki veiðarnar 1. september eins og ráðherrann hefur nú þegar gefið í skyn að hún ætli sér að gera,“ segir Vilhjálmur Birgisson, formaður Verkalýðsfélags Akraness í Facbookfærslu um hvalveiðimálið.
„Ég verð að lýsa yfir ánægju með að Hvalur hafi boðið starfsmönnum vinnu í sumar en að sjálfsögðu er Hvalur að tryggja að fyrirtækið hafi mannskap þegar svokallaða „tímabundna“ hvalveiðibann rennur út sem er 1. september. Enda blasir við að Hvalur mun fara á veiðar 1. september og reyna að lágmarka það gríðarlega fjárhagstjón sem matvælaráðherra hefur valdið starfsmönnum og fyrirtækinu,“ segir Vilhjálmur ennfremur.
Formaðurinn bendir á að sú vinna sem sé í boði hjá Hval sé einungis dagvinna. „Nema þær launatekjur einungis brot af þeim tekjum ef þetta ólöglega tímabundna hvalveiðibann hefði ekki komið til,“ segir áfram í færslunni.
„Það er alveg ljóst að Hvalur er að undirbúa margra milljarða skaðabótakröfu á hendur ríkinu. Það er bara spurning hversu há hún verður, en það mun væntanlega ráðast á því hvort veiðarnar verða heimilaðar 1. september eða ekki,“ segir Vilhjálmur sem kveður ríkisstjórnina hljóta að springa verði hvalveiðibannið framlengt.
Rætt er við Vilhjálm um þetta mál í næsta tölublaði Fiskifrétta.
