Veiðigjaldið lækkað um milljarða króna

Nýtt frumvarp til lækkunar veiðigjalds var lagt fram á Alþingi í gærkvöldi. Almenna veiðigjaldið er óbreytt en sérstaka veiðigjaldið lækkað verulega.

Í greinargerð með frumvarpinu segir að verði það  óbreytt að lögum megi gera ráð fyrir að tekjur ríkissjóðs af veiðigjöldum fyrir aflaheimildir verði 3,2 mia. kr. lægri á árinu 2013 frá því sem gert var ráð fyrir í fjárlögum (fari úr 13,5 milljörðum í 10,3 milljarða).

Ennfremur segir að tekjurnar geti orðið 6,4 mia. kr. lægri á árinu 2014 en áætlað var (fari úr14,5 milljörðum í 9,8 milljarða).

Hins vegar megi gera ráð fyrir að tekjuskattsgreiðslur sjávarútvegsfyrirtækja í ríkissjóð muni aukast að einhverju marki þar sem veiðigjöld eru frádráttarbær rekstrarkostnaður.

Sjá frumvarpið í heild HÉR