Útvegsmannafélag Vestfjarða hefur sent frá sér yfirlýsingu þar sem fram kemur að félagið fagnar þeirri ákvörðun Einars K. Guðfinnssonar, sjávarútvegs- og landbúnaðarráðherra, að auka heildaraflamark í þorski á yfirstandandi fiskveiðiári um 30.000 tonn.
Félagið fagnar því jafnframt að gert sé ráð fyrir að heildaraflamark í þorski verði ekki lægra en 160.000 tonn á næsta fiskveiðiári. Ætla megi að útflutningsverðmæti aflaaukningarinnar geti numið að minnsta kosti 10 milljörðum króna.
