Rétt tæplega 10.000 tonn af rækju hafa borist á land frá áramótum samanborið við 8.300 tonn á sama tíma í fyrra, að því er fram kemur á vefnum aflafrettir.com

Skipum hefur fjölgað á rækjunni og eru nú 40 talsins en voru 32 í fyrra. Tölur um afla og fjölda skipa miðast við úthafsrækju og innfjarðarækju samanlagt.

Frystitogarinn Brimnes RE er aflahæstur rækjuskipanna með 890 tonn.  Gunnbjörn ÍS er hæstur ísrækjuskipanna með 854 tonn.