Hin byltingarkennda UNO fiskvinnsluvél frá fyrirtækinu Vélfagi var frumkynnt á Íslensku sjávarútvegssýningunni í Laugardalshöll fyrir tveimur árum. Um nokkurt skeið hefur fyrsta vélin verið í notkun hjá Fiskvinnslunni Kamb í Hafnarfirði. Þetta eru tímamót í þróun vélarinnar sem tekur beingarð úr fiski, flakar hann, snyrtir og roðflettir.
Fylgjast má með vélinni hjá Kambi í vinnslu á myndbandi sem gengur látlaust á stórum skjá á bás Vélfags á Íslensku sjávarútvegssýningunni sem nú stendur yfir í Fífunni í Kópavogi. Viðar Engilbertsson, sölu- og markaðsstjóri Vélfags, segir að UNO vélin hafi verið sett upp hjá Kambi í ágúst.
„Vélin sker mjög vél og við erum að sjá mjög skemmtilegar tölur frá henni. Hún er ennþá í uppsetningarfasa en innan nokkurra vikna verður hún komin í fulla vinnslu.“
Þetta er fyrsta UNO vélin sem kemst í fulla vinnslu. Vélfag hefur selt tvær vélar til Bluewild útgerðarinnar norsku sem verða settar í hinn byltingarkennda Ecofive togara sem fer í fyrsta sinn á veiðar síðar í haust. Á síðasta ári seldi Vélfag UNO vél til Atlas Premium Seafood í Lettlandi sem er í eigu Sighvats Bjarnasonar. Sú vél hefur ekki verið afhent. Þá hefur Brim hf. forkaupsrétt á fimm vélum.
„Þetta er það sem allir hafa beðið eftir, að sjá UNO vélina í vinnslu. Fram að þessu höfum aðeins getað kynnt hugmyndafræðina en núna sýnum við virkni vélarinnar við raunverulegar aðstæður. Við prófuðum hana í Sólbergi ÓF á sínum tíma en núna erum við komin með vél sem í vinnslu á fullum afköstum. Það breytir miklu fyrir frekari kynningu á vélinni. Við finnum fyrir miklum áhuga á vélinni jafnt innanlands og erlendis,“ segir Viðar.
UNO framkvæmir þrjá hluti í einu; hún sker úr beingarðinn með vatnsskurði, flakar fiskinn og roðflettir. Beingarðurinn er fjarlægður áður en fiskurinn er flakaður sem stuðlar að betri nýtingu og hraðara vinnsluferli. Skurðinn helst óbreyttur allt vinnsluferlið. Vélin hjá Kambi er stillt fyrir vinnslu á smárri og meðalstórri ýsu. Vélin getur unnið ýsu, þorsk og ufsa en vinnsla á öðrum tegundum kemur til greina einnig. Þá er vélin með aðlögunarhæfni eftir stærð fisks.
Viðar segir að stefnt sé að því að vélin hausi líka og mun hún þá leysa nokkur störf af hólmi. Miðað við ákveðnar forsendur, eins og vinnsluhraða, hve mörg störf hún leysir af hólmi og afurðaverðmæti, ætti vélin að borga sig upp á örfáum árum.
Hin byltingarkennda UNO fiskvinnsluvél frá fyrirtækinu Vélfagi var frumkynnt á Íslensku sjávarútvegssýningunni í Laugardalshöll fyrir tveimur árum. Um nokkurt skeið hefur fyrsta vélin verið í notkun hjá Fiskvinnslunni Kamb í Hafnarfirði. Þetta eru tímamót í þróun vélarinnar sem tekur beingarð úr fiski, flakar hann, snyrtir og roðflettir.
Fylgjast má með vélinni hjá Kambi í vinnslu á myndbandi sem gengur látlaust á stórum skjá á bás Vélfags á Íslensku sjávarútvegssýningunni sem nú stendur yfir í Fífunni í Kópavogi. Viðar Engilbertsson, sölu- og markaðsstjóri Vélfags, segir að UNO vélin hafi verið sett upp hjá Kambi í ágúst.
„Vélin sker mjög vél og við erum að sjá mjög skemmtilegar tölur frá henni. Hún er ennþá í uppsetningarfasa en innan nokkurra vikna verður hún komin í fulla vinnslu.“
Þetta er fyrsta UNO vélin sem kemst í fulla vinnslu. Vélfag hefur selt tvær vélar til Bluewild útgerðarinnar norsku sem verða settar í hinn byltingarkennda Ecofive togara sem fer í fyrsta sinn á veiðar síðar í haust. Á síðasta ári seldi Vélfag UNO vél til Atlas Premium Seafood í Lettlandi sem er í eigu Sighvats Bjarnasonar. Sú vél hefur ekki verið afhent. Þá hefur Brim hf. forkaupsrétt á fimm vélum.
„Þetta er það sem allir hafa beðið eftir, að sjá UNO vélina í vinnslu. Fram að þessu höfum aðeins getað kynnt hugmyndafræðina en núna sýnum við virkni vélarinnar við raunverulegar aðstæður. Við prófuðum hana í Sólbergi ÓF á sínum tíma en núna erum við komin með vél sem í vinnslu á fullum afköstum. Það breytir miklu fyrir frekari kynningu á vélinni. Við finnum fyrir miklum áhuga á vélinni jafnt innanlands og erlendis,“ segir Viðar.
UNO framkvæmir þrjá hluti í einu; hún sker úr beingarðinn með vatnsskurði, flakar fiskinn og roðflettir. Beingarðurinn er fjarlægður áður en fiskurinn er flakaður sem stuðlar að betri nýtingu og hraðara vinnsluferli. Skurðinn helst óbreyttur allt vinnsluferlið. Vélin hjá Kambi er stillt fyrir vinnslu á smárri og meðalstórri ýsu. Vélin getur unnið ýsu, þorsk og ufsa en vinnsla á öðrum tegundum kemur til greina einnig. Þá er vélin með aðlögunarhæfni eftir stærð fisks.
Viðar segir að stefnt sé að því að vélin hausi líka og mun hún þá leysa nokkur störf af hólmi. Miðað við ákveðnar forsendur, eins og vinnsluhraða, hve mörg störf hún leysir af hólmi og afurðaverðmæti, ætti vélin að borga sig upp á örfáum árum.
