Sýningarhaldari IceFish 2024 er hæst ánægður með nýafstaðna sýningu. Fjöldi sýningargesta náði svipuðum hæðum og fyrir alheimsfaraldurinn sem sýningarhaldari segir umtalsverðan árangur. Það er enska fyrirtækið Mercator Media sem stendur fyrir IceFish sýningunni. Fyrirtækið gefur einnig út fimm sjávarútvegstengd tímarit, þar á meðal World Fishing & Aquaculture.
Mercator Media segir fjölda sýningargesta endurspegla þann mikla kraft sem er í íslenskum sjávarútvegi og áhuga almennings á greininni. Sýningargestir hafi sérstaklega verið áhugasamir um nýsköpun og umbreytingu í greininni, hliðarafurðir og innleiðingu gervigreindartækni í veiðar og vinnslu.
Alls sóttu 12.387 gestir sýninguna og tengda viðburði og met var slegið í þjóðernum gesta en alls komu þeir frá 60 löndum.
Sýningarhaldari IceFish 2024 er hæst ánægður með nýafstaðna sýningu. Fjöldi sýningargesta náði svipuðum hæðum og fyrir alheimsfaraldurinn sem sýningarhaldari segir umtalsverðan árangur. Það er enska fyrirtækið Mercator Media sem stendur fyrir IceFish sýningunni. Fyrirtækið gefur einnig út fimm sjávarútvegstengd tímarit, þar á meðal World Fishing & Aquaculture.
Mercator Media segir fjölda sýningargesta endurspegla þann mikla kraft sem er í íslenskum sjávarútvegi og áhuga almennings á greininni. Sýningargestir hafi sérstaklega verið áhugasamir um nýsköpun og umbreytingu í greininni, hliðarafurðir og innleiðingu gervigreindartækni í veiðar og vinnslu.
Alls sóttu 12.387 gestir sýninguna og tengda viðburði og met var slegið í þjóðernum gesta en alls komu þeir frá 60 löndum.
