Tíu bestu fish&chips staðirnir í Bretlandi hafa verið útnefndir og munu þeir keppa um hin eftirsóttu fish&chips verðlaunin 2013, að því er fram kemur á Fishupdate.
Þessi keppni hefur orðið til að bæta orðspor skyndibitastaðanna sem bjóða upp á þennan þjóðarrétt Breta. Tilkynnt verður um úrslit í keppninni 24. janúar 2013. Vinningshafinn fær titilinn fish&chips staður ársins.
Staðirnir tíu komust í úrslit eftir harða keppni. Val þeirra fór meðal annars fram með því að dómarar komu í heimsókn án þess að láta vita af sér og könnuðu gæði réttanna, þjónustu, markaðssetningu og hvort hráefnið kæmi frá sjálfbærum veiðum.
