Samtök fiskimanna norðursins, sem í eru meðalstórar og smærri útgerðir í Norðvestur-Rússlandi, eru komnar í vottunarferli með þorsk- og ýsuveiðar sínar í Barentshafi í lögsögum Rússlands og Noregs. Nái vottunin fram að ganga mun hún ná til veiða á 114.000 tonnum af þorski og 50.000 tonna af ýsu.
Áður hafði rússneska stórútgerðin Ocean Trawlers tryggt sér MSC-vottun fyrir þorsk- og ýsuveiðar sínar, þannig að ef áðurnefnd samtök fá vottun verða allar veiðar Rússa á þorski og ýsu í Barnetshafi MSC-vottaðar, að því er fram kemur í frétt frá MSC.
Sem kunnugt er hafa Norðmenn nú þegar aflað sér vottunar fyrir sínar veiðar á þessum tegundum í Barentshafi.
