Hið Norðlenzka Styrjufjelag ehf. var stofnað árið 2021 um framkvæmdir í gömlu salthúsi Sigvalda Þorleifssonar í Ólafsfirði fyrir styrjueldi, seiðaeldi og framleiðslu á kavíar úr styrjuhrognum. Félagið keypti sama ár níu ára gamlan lífmassa af styrju af eldisfyrirtækinu Stolt Sea Farm á Reykjanesi, alls á annað hundrað fiska af tegundinni hvítstyrju. Nú hafa orðið þau tímamót hjá félaginu að í tvígang hefur það framleitt kavíar úr hvítstyrju og allt seldist á góðu verði. Þá er seiðaeldið komið í fullan gang í seiðaeldistöðinni þar sem eru nú um 10 þúsund seiði hvítstyrju, rússneskrar og síberískrar styrju sem dafna vel.
Hið Norðlenzka Styrjufjelag hefur komið sér ágætlega fyrir í gamla salthúsinu við Ólafsfjörð. Í húsinu er fjöldi kerja og búnaður af ýmsu tagi til eldisins og vinnslunnar. 70% af öllu vatni sem fer inn í húsið eru endurnýtt og í næsta áfanga verður tekinn inn sjór í húsið svo að eldisferlið verði sem líkast náttúrulegum aðstæðum styrju. Í húsinu eru varmaskiptar sem hita upp kalda vatnið en heitt vatn á Norðurlandi er of basískt til þess að hægt sé að nota það við eldi af þessu tagi.
„Þegar ég fór af stað með þetta verkefni fékk ég Framfarafélag Ólafsfjarðar, sem er félag atvinnurekenda í bænum, til þess að eiga hlut í Hinu Norðlenzka Styrjufjelagi með mér. Þetta er því ekki bara mitt verkefni. Markmiðið er líka að byggja upp bæinn sem hefur átt undir högg að sækja,“ segir Eyþór Eyjólfsson, frumkvöðullinn í styrjueldinu í grein sem birtist í tímariti Fiskifrétta í síðustu viku.
Hið Norðlenzka Styrjufjelag ehf. var stofnað árið 2021 um framkvæmdir í gömlu salthúsi Sigvalda Þorleifssonar í Ólafsfirði fyrir styrjueldi, seiðaeldi og framleiðslu á kavíar úr styrjuhrognum. Félagið keypti sama ár níu ára gamlan lífmassa af styrju af eldisfyrirtækinu Stolt Sea Farm á Reykjanesi, alls á annað hundrað fiska af tegundinni hvítstyrju. Nú hafa orðið þau tímamót hjá félaginu að í tvígang hefur það framleitt kavíar úr hvítstyrju og allt seldist á góðu verði. Þá er seiðaeldið komið í fullan gang í seiðaeldistöðinni þar sem eru nú um 10 þúsund seiði hvítstyrju, rússneskrar og síberískrar styrju sem dafna vel.
Hið Norðlenzka Styrjufjelag hefur komið sér ágætlega fyrir í gamla salthúsinu við Ólafsfjörð. Í húsinu er fjöldi kerja og búnaður af ýmsu tagi til eldisins og vinnslunnar. 70% af öllu vatni sem fer inn í húsið eru endurnýtt og í næsta áfanga verður tekinn inn sjór í húsið svo að eldisferlið verði sem líkast náttúrulegum aðstæðum styrju. Í húsinu eru varmaskiptar sem hita upp kalda vatnið en heitt vatn á Norðurlandi er of basískt til þess að hægt sé að nota það við eldi af þessu tagi.
„Þegar ég fór af stað með þetta verkefni fékk ég Framfarafélag Ólafsfjarðar, sem er félag atvinnurekenda í bænum, til þess að eiga hlut í Hinu Norðlenzka Styrjufjelagi með mér. Þetta er því ekki bara mitt verkefni. Markmiðið er líka að byggja upp bæinn sem hefur átt undir högg að sækja,“ segir Eyþór Eyjólfsson, frumkvöðullinn í styrjueldinu í grein sem birtist í tímariti Fiskifrétta í síðustu viku.
